رێورەسمێن چل رۆژیا بابا شێخ نائێنە گێران
باسنيوز:
رێڤەبەرێ كارۆبارێن ئێزدیان ل پارێزگەها دهۆكێ دیار كر كو ژبەر پەتایا كۆرۆنایێ چل رۆژیا وەغەركرنا بابە شێخ ناهێتە گێران بتنێ دێ رێورەسمێن ئاینێ یێن گرێدایی قەدەم گوهاستنا بابە شێخ هێنە گێران.
جەعفەر سمۆ، رێڤەبەرێ كارۆبارێن ئێزدیان ل پارێزگەها دهۆكێ سەر رێڤەبەریا گشتی یا كارۆبارێن ئێزدیان ڤە وەزارەتا ئەوقاف و كارۆبارێن ئاینێ هەرێما كوردستانێ بۆ (باسنیوز) دیار كر كو: “ئەم هاتینە ئاگەهداركرن ژلایێ بنەمالا بابە شێخ ڤە ئەم ژی ب رێیا خۆ خەلكێ خۆ هەموویێ ئاگەهدار بكەین ژبەر كۆرۆنایێ چل رۆژیا وەغەكرنا بابە شێخ ناهێتە گێران ئەوژی ژبەر رەوشا نۆكە یا بەلاڤبوونا پەتایا كۆرۆنایێ ل جیهانێ ب گشتی ل هەرێما كوردستانێ ب تایبەتی ژی بنەمالا سەمەحەتا بابە شێخ ( خرتۆ حاجی ئیسماعیل) بریار دایە رێورەسمێن چل رۆژیا بابە شێخ نەهێنە گێران بتنێ رێورسمێن ئاینێ یێن گرێدایی قەدەم گوهاستنا بابە شێخ دهێنە گێران”.
ئاشكەرا كر كو سوبەهێ 5/11/2020ێ دێ رێوەرسمێن قەدەم گوهاستنا بابە شێخ هێنە كرن وەكو پێگیریێ كرن ب رێنمایێن حكومەتا هەرێما كوردستانێ بۆ هندێ گیانێ خەلكێ مە یێ پاراستێ بیت مە بریارا دایە رێوەرسمێن دێ نەهێنە كرن”.
سەمەحەتا بابە شێخ (خرتۆ حاجی ئیسماعیل) دژیێ 87 سالێدا ژ ئەگەرێ نەخۆشیا گولچیسكا ل نەخۆشخانەكا پارێزگەها هەولێر ل ئێڤاریا رۆژا 1/10/2020ێ گیانێ خۆ ژدەست دا.
تُتاح هذه الصورة أيضا في: کوردی