شام شەكرە بەلێ وەلات شرینترە
ئلیاس نعمۆ خەتاری
ب راستی چۆنا دەرڤەی وەلاتی نە بتنێ بەحس و ئاخفتنەكە یان گۆتنەكە و دێ دەرباز بت بەلكو ئیرۆ ڕۆژ بوویە خەونا هەموو مللەتی بۆچی گەلۆ ؟،لێ ئەڤێ پرسیارێ گەلەك بەرسڤ هەنە و هندەكا بەرسڤا پرسیار ژی نینە،گەلەك گۆتن و نڤیسینا ئەم دزانین جیێ خۆ ژی ناگرن لێَ هەر دێ هندەكا ژوان بێژین ، شەر و غەزەب و نەئارامی و فرمان لدوڤ فەرمانان پەنابەری و دەربەدەری ئەڤە ژئالیەكی ڤە، و ژ ئالیەكی دی ڤە بێكاری و بێ مووچەی و برس و ترس ونەخۆشیێن هەمەجۆر و كارتێكرنەكا مەزن هەیە لسەر چۆنا دەرڤەی وەلاتی.
یا سیێ ژهەموویێ نەخۆشترە بۆ وەلاتیان ئەو ژی مرۆڤكانێ و واستە و پەیوەندیێن ل دام و دەزگەهێن گشتی یێن حكوومی و كورێ فلانی و فلانی یان بەگ و ئاغا كارێ وان هەما هەر خوارن وهەر خوارن لێ پا كەنگی وەلاتی بخۆت و كەنگی زارۆكێن وی وەكی زاڕۆكێن تە كەیف بكن ب خوارن و ڤەخوارن و جل و بەرگ و خۆشی و لەڤزەت،ئەرێ مامۆ هەما هۆسایە و ژبەر ڤێ چەندێ یە چۆنا دەرڤەی وەلاتی بوویە خەونا هەموو گەنجان،لێ ژبەر چی وەلاتێن بیانی ژ وەلاتێن مە خۆشترن ؟ بتنێ ژبەر ئێك تشتی ئەو ژی زالبوونا یاسایی یە لسەر هەموو دام و دەزگەهێن دەولەتێن واندا یاسا و مافێ مرۆڤی یێ لێ هەی ئەمن و ئەمانەت یا لێ هەی و یەكسانی و دادپەروەری یا لێ هەی و ئەو نینە ئێك بێژت كورێ مەزنی و كورێ بەگی و ئاغای یان بەرتیل وناسین وهەڤالینیێ ڕۆلێ خۆ هەبت،ژئالیێ دی ڤە كاربكەی یان كارنەكەی هەر ژیارا ژیانێ یە زاڤە و دقەدیێت و تختۆر ودەرمان و نەشتەرگەری بێ بەرامبەرە،ئەرێ چما وەلاتی هەینە ژبۆ دەرڤەی وەلاتی و چۆنا ژدەرڤە نابتە خەونا هەموو گەنجان بەلێ بخودێ دێ بتە خەونا وان و یا بابێ وان،ل هێرە ئەگەر بێین بەرێ خۆ بدەینێ دێ بینین وەلاتێ مە هەموو زیڤ و زێرە و تژی خێر و بەرەكەتە لێ نە بۆ هەموو گەلێ مە بتنێ بۆ تەخەكا تایبەت ژ تەخێن مللەتی، برسیاتی و نەدادپەروەری هۆسا دكن مللەت بچتە دەرڤەی وەلاتی و بێ منەت بژیت.
باب و باپیرێن مە گۆتیە(شام شەكرە بەلێ وەلات شرینترە)ئەرێ ب خودێ وەلات گەلەكی شرینە و كەسەكی نەڤێت وەلاتێ خۆ بجهـ بهێلت لێ وەلات یێ گەلێ خۆ ژناڤ دبەت ئەڤ چەندە ژی دەولە سەرێ بەرپرس و خودان شۆلەژێ یا و گەندەلیا بەردەوام،ئەڤێ هەموویێ وەسا كر گەنجێن مە بەرەف دەرڤەی وەلاتی بچن و پشتا خۆ بدەنە دەیك وباب و خوشك و برایان و خاكا پیرۆز بتنێ وەكی خەونان رۆژێن بەرێ و شوونوارێن بەرێ و جەژن و عەرەفات ل بیرا خۆبینن،ل هێرە شنوو مرۆڤ دزانت ئەرێ بۆچی گۆرانی و ستران لسەر غەریبیا و غوربەتێ دهاتنە گۆتن و پربوون ژ خەم وكۆڤان و قەحر و كولا.
ئیرۆ دەمێ ئەم بەرێ خۆ ددەینێ رێژەیەكە مەزن چۆینە دەرڤەی وەلاتی و رێژەیەكە دن چاڤێ وان لڤێ چەندێ یە،یا باش ئەوە چارچۆڤێ دابونەریتا نێتە شكاندن و خەلكێ مە ئەسل و فەسلێ خۆ ژبیرنەكەت هەولبدەن زارۆكێن خۆ فێری رێیا دروست بكن زمانێ دەیكێ ژ دەست نەدەن رێورسمێن خۆ نەهێلن، ژیانەكا خۆشە لێ یە ب زەحمەتە.
تُتاح هذه الصورة أيضا في: کوردی