ئيرۆ 52 سالیا پارێزگەهبوونا دهۆكێ یە
باسنيوز:
پەیڤدارێ رێڤەبەریا گشتی یێ رەوشەنبیری و هونەری ل پارێزگەها دهۆكێ دیار كر ئەڤرۆ 27/5/2021ێ رۆژا پارێزگەهبوونا دهۆكێ ب ئەنجامدانا چالاكیێن هونەری دهێتە ساخكرن.
حەسەن فەتاح، پەیڤدارێ رێڤەبەریا گشتی یێ رەوشەنبیری و هونەری ل پارێزگەها دهۆكێ بۆ(باسنیوز) راگەهاند كو: “ئەڤرۆكە 52 سال ب سەر پارێزگەهبوونا دهۆكێ ڤە بۆرین، دێ ئێڤاریا ئەڤرۆكە ل ژێر دروشمێ دێ بەردەوامبین رۆژا پارێزگەهبوونا دهۆكێ ژلایێ رێڤەبەریا گشتی یا رەوشەنبیری و هونەری ڤە ل دهۆكێ ب پشتەڤانیا د. عەلی تەتەر، پارێزگارێ دهۆكێ دێ رێورەسمێن رۆژا پارێزگەهبوونا دهۆكێ هێنە ئەنجامدان ل باغچێ پانۆرا ئازادی دێ چالاكی هێنە ئەنجامدان”.
ئاشكەرا كر كو: “ئەڤ سالە ب چەند چالاكیێن هەمە جۆر رۆژا پارێزگەهبوونا دهۆكێ دهێتە ساخكرن ئەوژی دێ هژمارەكا كەسایەتێن دهۆكێ هێنە خەلاتكرن و كۆنسێرەتەك بۆ هونەرمەندێن دێرین یێن دهۆكێ دهێتە ئەنجامدان. ئەڤ چالاكیا دێ دووڤ رێنمایێن خۆ پاراستنێ ژ ڤایرۆسێ كۆرۆنایێ هێنە ئەنجامدان كو ئەڤ سالە ژ بەر كۆرۆنایێ وەكو سالێن بۆری كەرنەڤال نابیت ئانكۆ رێپێڤانێن جەماوەری ناهێنە ئەنجامدان”.
ناڤهاتی ئەوژی دیار كر كو: “هەر سال رۆژا پارێزگەهبوونا دهۆكێ كەرناڤالەكی مەزن یێ جەماوەری هاتە ساخكرن لێ ژبەر كورۆنا نۆكە چالاكیێن مەزن ناهێتە كرن. دهۆك ل رۆژا 27/5/1969 دهۆك بوویە پارێزگەه”.
تُتاح هذه الصورة أيضا في: کوردی