كۆمسیۆنێ سهركهفتنا راپرسییا توركیا ب 51.4 ب فهرمی راگههاند
WAAR-دهۆک:
كۆمسیۆنا بلندا ههلبژارتنێن توركیا ئهنجامێن فهرمی و داویێ یێن راپرسییا 16 نیسانێ راگههاندن و سهركهفتنا وێ ب سهدێ پێنجی و ئێك پۆینت چوار راگههاند.
سهعدی گۆڤهن، سهرۆكێ كۆمسیۆنا ههلبژارتنێن توركیا د پرێسكۆنفرانسهكی دا راگههاند؛ ئهنجامێن راپرسییا گوهۆڕینا دهستووری كو ل 16 نیسانا ئهڤساله هاتییه كرن، ل ناڤخوه و دهرڤهی وهلاتی، پتری 58 ملیۆن كهسان مافێ دهنگدانێ ههبوون.
ژ وێ ههژمارێ پتری 49 ملیۆن كهسان دهنگ داینهو دهنگێن 48 ملیۆن ژ وان هاتینه ههژمارتن.
دیار ژی كر، ژ سهرجهمێ دهنگێن ههژمارتی، پتری 25 ملیۆن كهسان دهنگ ب بهلێ داینه كو دبنه رێژهیا سهدێ پێنجی و ئێك پۆینت چوار و ههروهسا 23 ملیۆنان ژی دهنگ ب نهخێر داینه كو دبیته رێژهیا چل و نههـ پۆینت پێنجی و نههـ.
سهرۆكێ كۆمسیۆنێ دیاركر، ب ڤێ یهكێ، ئهنجامێ فهرمی و داوییێ یێ رێفراندۆمێ ب بهلێ دهێته ههژمارتن.
تُتاح هذه الصورة أيضا في: کوردی