سهرۆك بارزانى: سفكاتیكرن ب رهمز و موقهدهساتێن خهلكى د ناڤا فهرههنگا مه دا نینه
گاڤ نیوز
سهرۆك بارزانى پهیامهك ل دۆر روودانا شڤێدى بهلاڤكر و راگههاند، سفكاتیكرن ب رهمز و موقهدهساتێن خهلكى د ناڤا فهرههنگا گهلێ كوردستانێ دا نینه و كهسێن بارهگههێ پارتى ژى ل بهغدا سۆتى ب تێكدهر ناڤكرن.
سهرۆك مهسعوود بارزانى ئهڤرۆ راگههاند، سفكاتیكرن ب پیرۆزی و هێمایێن بلند ب چ شێوهیهكى یا قهبوولكرى نیه و بهزاندنا وان هێلا سۆره و ب توندى ئیدانهیا وێ سفكاتیێ دكهین یا شهڤا دهربازبووى ژ ئالیێ كهسهكى ب مهرجهعهیهتێ هاتیه كرن.
ههروهسا بارزانى دیاركر، ئهو جۆرێ ههلسوكهوتێ نهههژى چ پهیوهندى ب گهلێ كوردستانێ و پارتى دیمۆكراتى كوردستان ڤه نینه و كوردستان خودان فهرهەنگهكا بلندا پێكڤهژیانێ یه و سفكاتیكرن ب رهمز و موقهدهساتێن خهلكى د ناڤا فهرههنگا گهلێ كوردستانێ دا چ جاران جهێ خۆ نهكریه و ناكهت ژى و گهلێ كوردستانێ رێز و پێزانین بۆ مهرجهعیهتێ ههیه، پهیوهندیێن مێژووى و دۆستایهتى و ههڤسۆزیێن ناڤبهرا بارزانیێ نهمر و ئایهتۆللا حهكیم و شههید سهدر گهواهیه بۆ وێ پهیوهندی و دۆستایهتیا دێرینه، ئهو كهسێ سفكاتى ژى كرى ژ ئالیێ قانوونێ ڤه هاتیه گرتن و دێ سزایێ تاوان و زێدهڕۆیا خۆ دهت.
ههروهسا سهرۆك بارزانى ب توندى ئیدانا سۆتنا بارهگههێ پارتى دیمۆكراتى كوردستان ل بهغدایێ كر كو ئهڤه دوهمین جاره ژ ئالیێ كۆمهكا تێكدهر و شكهستیان ڤه ئهڤ رهفتاره دهێته كرن و گۆت: ئهڤ یهكه بهلگهیه ل سهر نهبوونا سهقامگێریێ ئاسایشێ و د راستى دا ئهو دو گرۆپه ژبلى خرابیێ و تێكدانێ و ئاژاوێ چ دى ژ دهست نههاتیه.
تُتاح هذه الصورة أيضا في: کوردی