درۆنهك ل سنوورێ هەولێرێ كهفته خوارێ
رووداو دیجیتاڵ
لە نزیک شارۆچکەی عەنکاوەی سەر بە پارێزگای هەولێر درۆنێک بەر تاوەرێک کەوت و کەوتەخوارەوە. دژە تیرۆری کوردستان دەڵێت، درۆنی چاودێریی ناوخۆیی بووە و بەهۆی هەڵەیەکی تەکنیکییەوە تێکشکاوە.
ئومێد خۆشناو، پارێزگاری هەولێر بە تۆڕی میدیای رووداوی راگەیاند، درۆنێک لە گوندی گردجووتیار لە نزیک شارۆچکەی عەنکاوەی سەر بە پارێزگای هەولێر بەر تاوەرێکی ئینتەرنێت کەوتووە، تەقیوەتەوە و کەوتووەتەخوارەوە.
رۆژی چوارشەممە 15-06-2022، دژە تیرۆری کوردستان لە راگەیێندراوێکدا ئاماژەی بەوە کردووە، لە کاژێر 1:17ـی پاشنیوەڕۆ لە گوندی گردجووتیاری سەر بە قەزای عەنکاوەی پارێزگای هەولێر، درۆنێکی چاودێریی ناوخۆیی “بەهۆی هەڵەیەکی تەکنیکییەوە” خۆی بە تاوەرێکی هێڵی ئینتەرنێتدا کێشاوە و تێکشکاوە.
لەبارەی زیانەکانەوە، دژە تیرۆری کوردستان باسی لەوە کردووە، “هیچ زیانێکی گیانی نەبووە.” هەروەها دژە تیرۆری کوردستان دڵنیایی دەداتە هاونیشتمانیان و دەڵێت، “رووداوەکە هیچ جێی مەترسیی نییە.”
تُتاح هذه الصورة أيضا في: کوردی