جڤاتا وەزیرێن هەرێما کوردستانێ دەربارەیی تۆپبارانا ئەڤرۆ یا زاخۆ راگەهاندنەک بەلاڤکر
دەقێ راگەهاندنێ:
تۆپبارانکرنا هاڤینگهها پەرەخێ ل سنوورێ دەرکارێ ل ئیدارا سەربەخۆیا زاخۆ ژلایێ ھێزێن تورکیاڤه، ب توندی شەرمەزار دکەین، ب مخابنیڤه بوویه ئهگهرێ شەھیدکرن و برینداربوونا هژمارەكا خهلكێ گەشتیار.
بههیدارى و سەرەخۆشیێ ل مالباتێن شەھیدان دكەین و ھیڤیا ساخبوونهكا بلهز بۆ برینداران دخوازین.
د دهمێ بورى دا، چەندین جاران ل ناڤخۆ و دهرڤهیى عێراقێ هەرێما کوردستانێ کرییە ئارمانج و زیانێن گیانی و مادی بەر ب خهلكێ مه کەڤتینه.
پێدڤییه حکومەتا فیدڕال و جڤاکێ نێڤدەولەتی، ب رەنگەکێ چالاکتر، بزاڤا رێگریکرنێ ل دوبارەبوون و ب دووماهی ئینانا ڤان دەستدرێژییا بکەت.
شهر و پیكدادانا هێزێن تورکیا و چەکدارێن پەکەکێ ل دهڤهرێن سنووری یێن هەرێمێ، بوویه ژێدهرێ گهف و مەترسییێن بەردەوام بۆ سەر خهلكێ مه، لهوما جارهکا دی داخواز دکەین، ھەرێما کوردستانێ، ژ کێشە و ململانێیا دهڤهرێن وان بهێته دوورخستن، دا كو ئێدى خهلكێ بێ گونههـ نهبیته قۆربانى.
جڤاتا وەزیرێن ھەرێما کوردستانێ.
تُتاح هذه الصورة أيضا في: کوردی