دهۆک.. چەندین شوێنی گەشتیاری لەسەر چیای کێلیا شەیدایێ دروست دەکرێن
باسنيوز:
بەڕێوەبەری شوێنەوار و کەلەپووری پارێزگای دهۆک ڕایگەیاند، لە دهۆک دەست بە جێبەجێکردنی پرۆژەیەکی گرنگی شوێنەواری کرا کە لەسەر چیای کێلیا شەیدا چەندین شوێنی گەشتیاری دروست دەکرێن.
د. بێكهس بریفكانى، بەڕێوەبەری شوێنەوار و کەلەپووری پارێزگای دهۆک، بە (باسنیوز)ێ ڕاگەیاند: ”دەست بە دروستکردنی ڕێگای کێلیا شەیدایێ کراوە کە چەندین شوێنی گەشتیاری لەسەر چیای کێلیا شەیدایێ دروست دەکرێن، ئەوە پرۆژەیەکی زۆر گرنگە و ئێستا دەست بە جێبەجێکردنی کراوە و دوای تەواوبوونی دەکەوێتە خزمەت گەشتیارییەوە”.
ئاشکرایشی کرد: ”لە دهۆک نزیکەی دوو هەزار شوێنی شوێنەواری تۆمار کراون و بەشی زۆریشیان کەوتوونەتە خزمەتی کەرتی گەشتیارییەوە و بە هاوکاریی ڕێکخرا و زانکۆ بیانییەکان کار دەکەین بۆ ئەوەی گرنگیی زیاتر بە شوێنە شوێنەوارییەکان بدرێت”.
ئاماژەی بەوەش دا: ”لە ئەشکەوتی چارستێنەوە تاکوو سەر چیای کێلیا شەیدایێ دەکرێتە ڕێگا و هەمووی دەبێتە ڕووناکی، شوێنە گەشتیارییەکان دیمەنێکی جوانیان بە پارێزگای دهۆک بەخشیوە”.
تُتاح هذه الصورة أيضا في: کوردی