سەرۆكێ قەوالان:كار بۆ ڤەكرنا پەیمانگەهەكێ بۆ ئۆلدارێن ئێزدیان دكەین
تۆرا لالش:
سەرۆكێ قەوالان ئاشكەراكر كو نیازا وان ئەوە ل داهاتی پەیمانگەهەكێ،بۆ قەوال و زەلامێن ئۆلی یێن ئێزدیان ڤەكەن و ئەڤ پێشنیازە ئاراستەی میرێ ئێزدیان هاتیە كرن.
بەهزاد قەوال سلێمان،سەرۆكێ قەوالان بۆ رۆژناما دەنگێ لالش ئاشكەراكر،پشتی شەرێ داعش قوتابخانا قەوالان بۆ ماوێ دوو سالان هاتبوو ڤەكرن و ژبەر نەبوونا پشتەڤانیێ هاتیە داخستن،نۆكە ژی نیازا مە ئەوە پەیمانەگەها فەرمی بۆ قەوال و زەلامێن ئۆلی یێن ئێزدیان ڤەكەین و هەشت بابەت وەكو پرۆگرام هاتینە بەرهەڤكرن،ئەو ژی ل دۆر فەلسەفا ئایینێ ئێزدیان و قەول و بەیت و دیرۆك و جوگرافیا ئێزدیا و ل سەر ئایینێن جیهانێ،ئەڤ پێشنیازە ئاراستەی میرێ ئێزدیان هاتیە كرن،بۆ هندێ رەزامەندی ل سەر بێتە دان و پێشكێشی حكومەتا هەرێما كوردستانێ بێتە كرن سەر ب وەزارەتا پەروەردێ ڤە.
دوپاتكر ژی ئەڤ پەیمانگەهە هەر دەما هاتە ڤەكرن دێ بتە بنگەهێ ڤەكۆلینان ژی بۆ ئێزدیان،مە دڤێت بتر گرێدایی وەزارەتا ئەوقاف و كاروبارێن ئایینی یا حكومەتا هەرێما كوردستانێ بت،چنكو هەر دەما قەوال و زەلامێن ئۆلی ژڤێ پەیمانگەهێ دەردچن ببنە خودان باوەرنامە و بێنە دامەزراندن و ب كاروبارێن ئێزدیان رابن ل هەموو دەڤەرێن ئێزدینشین.
تُتاح هذه الصورة أيضا في: کوردی