مەسروور بارزانی: هەمی کارێن هەرێما کوردستانێ دەستووری نە
گاڤ
سەرۆکێ حکومەتا هەرێما کوردستانێ ئەڤرۆ پشکداری پەنەلەکێ کۆربەندێ ئاسایش و ئاشتیا رۆژهەلاتا ناڤین ل دهۆکێ بوو و ژمارەکا بابەتێن گرێدایی پەیوەندیێن هەولێر و بەغدا بەحسکرن.
مەسروور بارزانی د پەنەلی دا گۆت: دەستورێ ئیراقێ ب وی رەنگێ هاتیە نڤیسین ناهێتە بجهئینان، هەرێما کوردستانێ ژمارەکا مافێن بنچینەیی د دەستووری دا هەنە، لێ نەهاتینە بجهئینان، بو نموومە مافێ بەرهەمئینان و هنارتنا پەترۆلێ.
هەروەسا گۆت: هەرێما کوردستانێ پێگیری هەمی پابەندیان بوویە یێن د قانوونا بودجێ دا ل سەر هەرێمێ هاتینە سەپاندن، ل ێ ل هەمبەر دا مافێن دارایی یێن هەرێما کوردستانێ ناهێنە دان.
دەربارەی لادانا محەمەد حەلبووسی ژی گۆت: دەمێ لادانا حەلبووسی یا شاشبوو، نوکە ئیراق د ژمارەکا قەیران و کێشەیان دا دەرباز دبیت، لادانا حەلبووسی دێ گەلەک کێشەیێن نوی پەیدا کەت.
سەرۆکێ حکومەتا هەرێما کوردستانێ دا زانین ژی کو ئیراق وەلاتەکێ فیدرالی یە، لێ ژمارەکا بەرپرسێن ئیراقێ دانپێدانێ ب دەستهەلاتێن فیدرالیێ ناکەن و ئیراقێ ب مەرکەزی دبینن، ئەو ئەو مافێن دەستووری ب هەرێما کوردستانێ دایین ناهێنە بجهئینان و بەرپرسێن ئیراقێ دخوازن هەمی دەستهەلاتان کونترۆل بکەن.
تُتاح هذه الصورة أيضا في: کوردی