ژوورا بازرگانى و پیشهسازى یا ههولێرێ داخوازا بایكۆتكرنا بهرههم و كهلوپهلێن ئیرانى دكهت
گاڤ
ژوورا بازرگانى و پیشهسازى یا ههولێرێ داخواز ژ ههمى بازرگانان و وهلاتیان ل ههرێما كوردستانێ كر كو بایكۆتا ئینان و بكارئینانا بهرههم و كهلوپهلێن ئیرانى بكهن.
ژوورا بازرگانى و پیشهسازى یا ههولێرێ ئهڤرۆ ئهینیێ دیاركر “داخوازێ ژ ههمى بازرگانێن ههرێما كوردستانێ و وهلاتیان ب گشتى دكهین كو بایكۆتا ئینان و بكارئینانا بهرههمێن ئیرانى بكهن و سهرجهم پهیوهندیێن بازرگانى و ئابوورى ل گهل ئیرانێ رابگرن”.
خۆیا ژى كریه كو ئهڤ داخوازیه ژ بهر هێرش و مووشهكبارانكرنا ستهمكارانه یا هێزێن ئیرانێ ل شهڤا 15ى ڤێ ههیڤێ ل سهر ههولێرێ بوو كو ژمارهیهكا خهلكێ سڤیل و بێگونههـ شههید بوون و بریندار بوون.
ئاماژه ب وێ چهندێ ژى كریه “ئهو هێرشێن ئیرانێ كو چهند جارێن دى ژى بێى گوهدانا یاسا و رێنمایێن نێڤدهولهتى و بنهمایێن مافێن مرۆڤى ل سهر ههولێرێ هاتینه كرن، مهبهست ژێ تێكدانا وێ ئاسایش و ئارامیێ یه ئهوا ل ههرێما كوردستانێ بهرقهرار، ژوورا بازرگانى و پیشهسازى ب توندى وان هێرش و تاوانێن هێزێن ئیرانێ ل سهر ئاخا نیشتیمانى شهرمزار دكهت”.
تُتاح هذه الصورة أيضا في: کوردی