سیمینارا بەرگریا دەروونی بۆ ئاوارێن کەمپا كه‌به‌رتوو هاته شرۆڤه‌كرن
تۆرا لالش
ل رێکەفتی 17/9/2024ێ، ل کەمپا كه‌به‌رتوو ئێك سیمینارەک ل سەر بەرگریا دەروونی هاتە ئەنجامدان، ئەڤ سیمینارە ژ لایێ مامۆستایێ بسپۆر ئه‌سعد ره‌شید هاتە پێشکێشکرن و ژلایێ بنگەهێ لالش (هەردوو تایێن شنگال و سنونی) و نڤیسینگەهێن بسەر ڤە، ب هەڤکاری دگەل دەزگەهێ خێرخوازیێ بارزانی هاتبوو رێکخستن.
کۆمەکا كه‌سێن بژارە و یێن جۆراوجۆر ژ هه‌ردوو ره‌گه‌زان یێن ئاوارێن کەمپێ د سیمینارێ دا به‌شداربوون.
ئەڤ سیمینارە ژبەر گرنگییا بەرگرییێ و بابەتێ دەروونی دناڤ جڤاکێ مە دە هاتە ئەنجامدان، مەبەست ژێ ئەوە کو کاریگەریا نەرێنی یا ل سەر تەندروستیا دەروونی کێم بکەت و خەلکی فێری شێوازێن بەرگریا دەرونی بکەت.
ئەڤ چالاکی بەشەکە ژ پرۆگرامێن بەردەوام یێن بنگەهێ لالش و هەڤالبەندێن وان ده‌زگه‌هێ خێرخوازیێ بارزانی بۆ پشتەڤانیکرنا خەلکێ کەمپان و باشترکرنا رەوشا وان یا دەروونی.
ل داویێ ژی، ب ئاماده‌بوونا رێڤه‌به‌رییا كه‌مپێ باوەرنامێن پشکداریێ ژ لایێ رێکخەران ڤە ل سەر بەشداران هاتنە بەلاڤکرن.
ئەڤ ۆرکشۆپە بەشەک بوو ژ چالاکیێن هەڤبەش یێن بنگەهێ لالش یێن هەردوو تایێن شنگال و سنونێ و نڤیسینگەهێن وان یێن ب سەر ڤە، دگەل دەزگەهێ خێرخوازیێ بارزانی.
تُتاح هذه الصورة أيضا في: کوردی
