تۆرا لالش
پەنیر و ژاژیێ کوردی کو ژ شیرێ پهز و بزن، یان چێلێ دئێته دروستكرن، خواستهكا مهزن ل سەرە، ب تایبەتی بۆ تێشتێن سبێ، پسپۆرێن بیاڤێ خوارنێ ژی دیار دكهن مفایێن وێ د سەرسوڕهێنەرن.
د. بەدر قادر سورچی، پزیشک و پسپۆڕێ تایبەتیێ بیاڤێ خوارنێ د دهته دیاركرن: پەنیرێ کوردی، ژێدهرهكێ زۆرباش و تایبهت یێ پڕۆتینی یە، فهره بۆ دروستکرن و باشكرنا ماسولکەیان، زهنگینه ب کالیسیۆمی، گهلهك یا گرنگە بۆ پاراستنا ههستیكان و ددانان ژی ب هێز دكهن.
گۆتژی، پەنیرێ کوردی پشتهڤانیا ساخلهمییا ههستیكی د دهت، ڕێژەیهكا بلند یا کالیسیۆمی د ناڤ پەنیری دا هاریكاره بۆ پاراستنا ههستیكان ئێسک و ڕێگریێ دكهت ژ پووکانەیا ههستیكیان، ب وی مهرجێ گهلهك خۆی تێدا نهبت، خوارنا بەردەواما پەنیری ژوانژی پەنیرێ کوردی، هاریكاریهكا باشه بۆ داكهفتنا پەستانا خوێنێ، ئهوژی ژ بهر وێ رێژهیا پۆتاسیومی كو د پهنیری دا ههیه.
د. بەدر قادر سورچی، پزیشک و پسپۆڕێ تایبەتیێ بیاڤێ خوارنێ دیار ژی كر، سهدان ساله گیایهكێ تایبهت ب ناڤێ سیابۆ بۆ پهنیری ل دهڤهرێن كۆیستانان دئێته بهرههڤكرن و بهرههمهكێ گرنگ یێ خۆمالییه و مفایێن خۆ یێن ههین ژ وانژی ئهو رووهكه بۆ چارهسهركرنا چهندین نهخۆشیان ب كاردئێت ژوانژی چارهسهره بۆ رۆماتیزمێ و لاوازییا دلی…هتد و ههروهسان ریخۆلهیان ژی ب ساخلهمیهكا باش ڤه دهێلت.
تُتاح هذه الصورة أيضا في: کوردی