منبج: ھێزێن سووریا دیمۆکرات بەرھەڤن بچنە ناڤا باژێری
وار
ھێزێن سووریا دیمۆکرات ب تەمامی و ژ چوار ئالیان ڤە باژێرێ منبجێ دورپێچکریە، پشتی فرۆکەیێن ھەڤپەیمانا ب توندی بنگەھێن رێکخستنا تیرۆرستیا داعشێ ل دەردورێن وی باژێری بۆمبەباران کرین.
ژێدەرێن ناڤخوەیی بۆ کەنالێ (ئەلجەزیرە) ئاشکرا کر، ھێزێن سووریا دیمۆکرات، شیان باژێرێ منبجی ب تەمامی دورپێچ بکەن، پشتی شەر و پەڤچوون د گەل داعشێ کرین و شیاین گوندێن (تەحنە، سەعیدیە و عەسەلیە) ل ئالیێ رۆژئاڤایێ منبجێ کۆنترۆل بکەن.
ل گۆری ژێدەرین ناڤخوەیی، نێزیکی سەد ھزار وەلاتییان د باژێرێ منبجێ دا ماینە ئاسێ، ترسا وێ یەکێ ژی ھەیە ئەو ببنە مەرتالێن گیانی بۆ ھەردو ئالییان.
ژ ئالییەکێ دی ڤە، برێت ماکگۆرک، ھنارتیێ سەرۆکێ ئەمریکا بۆ شەرێ دژی داعشێ راگەھاند: ھێزێن سووریا دیمۆکرات شیاینە منبجێ دورپێچ بکەن و بەرھەڤن بچنە ناڤا باژێری.
تُتاح هذه الصورة أيضا في: کوردی