ههفت هه‌زار خێزانێن ئێزدی ڤەگەریاینە سنوونێ
تۆرا لالش يا راگه‌هاندنێ
رێڤەبەرێ ناحیا سنوونێ دیاركر حەفت هزار خێزانێن ئاوارە یێن ئێزدی ڤەگەریاینە سەر مالێن خوە و ڤەگەریان ئاواران بۆ سەر مال و مولگێن خوە یا بەردەوامە، ژیان یا بەرەڤ ئاسایی بوونی ڤە دچێت ل دەڤەرا سنوونێ.
نایف سەیدو بۆ (باسنیوز) دیاركر ئەڤە سی سالا حكومەتا عیراقێ بوودجەیا ناحیا سنوونێ نەمەزاختی یە ئەڤە بوویە ئەگەر خزمەتگوزاری نەهێنە دابینكرن هەكە خزمەتگوزاری هەبن تایبەتی ژی ئاڤ و كارەب و خزمەتێن ساخلەمیێ و جادە دێ هەموو ئاوارە ڤەگەرنە سەر مالێن خوە.
زێدەتر گۆت:” ژیان گەلەك نورمالە ل دەڤەرا سنوونی چوو مەترسیی ل سەر ژیانا وەلاتیان نێنە پێشمەرگەی كوردستانێ كونترولەكا مەزن ل سەر دەڤەری یا كری، نوكە بازار یێ ڤەكریە و ئاوارێن ڤەگەریایێ ئاسایی كارێن خوە رۆژانا ئەنجام دەن وەكو چاندنا بستانێن فیقی و زەرزەواتی وكارین چاندنی و ڤەكرنا دوكانان”.
نایف سەیدو خۆیا كر حكومەتا هەرێما كوردستانێ هەموو جادە ل دەڤەری خوشكرینە هەر ژ سحیلا هەتا دگەهتە رەبیعە و زومار جادە سەرەكی هاتیە قیركرن و خوشكرن دناڤ سنوونی دا حكومەتا هەرێمێ نەخۆشخانە بەرهەڤكریە خزمەتا ئاواران دكەت و 7 قوتابخانێن زمانی كوردی ژی ل دەڤەری هاتینە ڤەكرن.
تُتاح هذه الصورة أيضا في: کوردی