باشيك.. 60% هاتیە وێرانكرن دێ داخواز هێتە كرن ببیتە دەڤەرەكا وێرانكری
باسنيۆز:
نوونەرا خەلكێ باشێك و بەحزانی ل جڤاتا قەزا مووسلێ دیاركر ب رێژا 60% دەڤەرا باشێك و بەحزانی هاتینە ویرانكرن گەلەك كارێن هۆڤانە تیرۆرستێن داعشێ ب سەرێ ڤێ دەڤەرێ و خەلكێ وێ ئیناینە، دێ ب فەرمێ داخواز هێتە كرن باشێك ببیتە دەڤەرەكا ویرانكری.
گولیستان حەسەن بۆ (باسنیوز) دیاركر تیرۆرستێن داعش ئاڤاهیێن دام و دەزگەهێن حكومی و جهێن عیبادەتی، وجهێن خزمەتكاری و خانی و جادان، و هەموو جهێن دی ویرانكرینە و داخوازێ ژ هەموو رێكخراوێن نێڤ دەولەتی و و حوكمەتا هەرێما كوردستانێ و حكومەتا عێراقی دكەین، كو خوە ل دەڤەرێ و خەلكێ وێ بكەن خودان، هەروەسا لەز دئاڤاكرن و قەرەبووكرنا خەلكێ وێ دا بكەن، ب تایبەت ئەو كەسێن زیان گەهشتینێ. و هەموو بزاڤێن خوە تەرخان بكەن كو هندەكێ ژ دەردەسەری و مەینەتێن وان كێم بكەن.
خۆیا ژی كر خەلك ناڤەگەرینە سەر مالێن خوە هەتا هەموو خزمەتگوزاری نەهێنە دابین كرن بۆ دەڤەرا باشێك و بەحزانی دێ ب ریێا جڤاتا مووسلێ فشاری ل سەر پارێزگەری مووسل دروست كەن بۆدجەیا باش تەرخان بكەت بۆ ئاڤادانیا دەڤەری.
تُتاح هذه الصورة أيضا في: کوردی