دەست ب ئاڤەدانكرنا شنگالێ هاته كرن
دەنگێ لالش،بەختیار قادر
رێكخراوا(WHH) یا ئەلمانی ماوێ سالەكێ یە ل دەڤەرا سنوونێ كار دكت و دەست ب دروستكرنا چەندین پرۆژەیان و ئاڤەدانیێ كریە ل شنگالێ.
ئەندامێ جڤاتا ناوچەداریا سنوونێ(سلێمان فانۆ)بۆ رۆژناما دەنگێ لالش ئاشكەراكر،رێكخراوا ناڤبری ئەڤە ماوێ سالەكێ یە ل سنوونێ كار دئاڤەدانیێ دا دكت دبیاڤێن ژیانێ دا وەك پێگەهاندنا قوتابخانان و جادەیان و بنگەهێن ساخلەمیێ و بیرێن ئیرتوازی و دروستكرنا باخچێن گشتی و پرۆژێن كارەبێ و دابینكرنا دەلیڤێن كاری وگۆت:((هەبوونا ڤان رێكخراوێن زەبەلاح كاریگەریەكا مەزن هەیە بۆ دووبارە ئاڤەدانكرنا دەڤەرێ و دەرگەهەكە بۆ رێكخراوێن دیتر پرۆژەیان ل شنگالێ بجهبینن)).
فانۆ ئاماژەكر،داخوازێ ژ ڤێ رێكخراوێ و یێن دیتر ژی دكەین بەرێ خۆ بدەنە دەڤەرێ بەری دەست ب پرۆژێن خۆ بكن،هەروەسان ژ رێكخراوێن جیهانی دخوازین ل شنگالێ كار بكن.
تُتاح هذه الصورة أيضا في: کوردی