خۆلەكا رۆژنامەڤانی بۆ ستافێ راگەهاندنا بنگەهێ لالش هاتە ڤەكرن
تۆرا لالش یاراگەهاندنێ/دهۆك
ئیرۆ 2ئەیلولا 2017ێ ل ئاڤاهیێ هۆلا دەستەیا بلندا بنگەهێ لالش ل دهۆكێ،خۆلەكا رۆژنامەڤانی بۆ ستافێ راگەهاندنا بنگەهێ لالش هاتە ڤەكرن.
ب ئامادەبوونا ستافێ رۆژناما دەنگێ لالش و مالپەرێ تۆرا لالش یا راگەهاندنێ و بەرپرسێن بەشێ رەوشەنبیری یێن تایی و نڤیسینگەهێن لالش،ئەڤ خۆل هاتە ڤەكرن لسەر چاوانیا نڤیسینا نووچە و راپۆرت و ریپۆرتاج و دیداران و هنارتنا چالاكیێن تایێن لالش.
ئەڤ خۆلە ژبال رۆژنامەڤانان”خدر خەلات” و “جەعفەر سمۆ”ڤە هاتە برێڤەبرن و تێدا ب شێوازێن زانستی و ئەكادیمی بەحسێ نڤیسینا نووچە و راپۆرت و ریپۆرتاج و دیداران بۆ پشكداران كر.
هەروەسا داخواز ژ بەرپرسێن بەشێ رەوشەنبیری یێن تایی و نڤیسینگەهێن لالش هاتە كرن چالاكیێن خۆل دوڤ بنەمایێن رۆژنامەڤانی بۆ راگەهاندنا دەستەیا بلندا بنگەهێ لالش بهنێرن.
هەژی گۆتنێ یە ئەڤ خۆلە بۆ ماوێ رۆژەكێ یا بەردەوام بوو.
ل داویێ پشكداران پێشنیار و بۆچۆنێن خۆ دانە دیاركرن،بۆ پتر پێشئێخستنا كاری و پێشڤەبرنا راگەهاندنا بنگەهی.
تُتاح هذه الصورة أيضا في: کوردی