زانکۆیا دھۆکێ دێ ڤەکۆلینان لسەر ئێزدیان ئەنجام دەت
باسنيوز:
سەرۆکێ زانکۆیا دھۆکێ دیارکرکو زانکۆیا دھۆکێ و ئینستۆیا دیرۆک وئاینێ کوردێن ئێزدی ل موسکۆ دێ ب رێکا سەنتەرێ بێشکچی ل زانکۆیا دھۆکێ، ڤەکولینێن زانستی یێن ھەڤپشک ل دۆر دێرۆک وئایین وکلتوورێ کوردێن ئێزدی ئەنجام دەت.
د. موسلیح دھۆکێ، سەرۆکێ زانکۆیا دھۆکێ، بۆ ( باسنیوز) دیارکر: “زانکۆیا دھۆکێ رێکەڤتنەک دگەل یورا داسنی سەرۆکێ ئینستۆیا دیرۆک و ئاینێ کوردێن ئێزدی ل موسکۆ ئەنجامداینە بۆ دەست پێکرنا ڤەکۆلینێن زانستی ل سەر کوردێن ئێزدی. دێ شاندەکێ ئەکادیمی ژ موسکۆ سەرەدانا زانکۆیا دھۆکێ کەت ئەڤ شاند بریارە بوھارێ بھێت”.
خویا ژی کر: “زانکۆیا دھۆکێ گرنگیەکا مەزن ددەت کوردێن ئێزدی. ھەتا نۆکە 2500 قوتابیێن ئێزدی، ئەوێن ئاوارەی دھۆکێ بووین، ل زانکۆیا دھۆک ھاتینە وەرگرتن وجھێ ئێزدیان ل دھۆکێ ھەیە، لەورا ژی زانکۆیا دھۆکێ رێکەڤتن دگەل ئینستۆیا موسکۆ کرینە ل دھۆکێ ڤەکۆلین ل سەر ئێزدیان بھێنە ئەنجامدان”.
تُتاح هذه الصورة أيضا في: کوردی