شێخ شامۆ: ب رێبهراتیا بارزانى دێ ئێزدى ههموو قۆناغێن دژوار دهرباز كهن
باسنيوز:
سهرۆكێ دهستهیا بلندا بنگههێ لالش یێ رهوشهنبیرى و كۆمهلایهتى دیاركركو ئهڤرۆ 27 سال ب سهر راپهرینا دهۆكى ڤه بۆرین و ئێزدى گهشیبینن دێ ل ههرێما كوردستانێ بهرهڤ ئایندهكێ گهشتر چن و دێ گههنه ئارمانجێن خوه.
شێخ شامۆ، سهرۆكێ دهستهیا بلندا بنگههێ لالش یێ رهوشهنبیرى و كۆمهلایهتى وئهندامێ پهرلهمانێ كوردستانێ بۆ(باسنیوز) دیاركر:” راپهرین بیرهاتنهكا دێرۆكى و نشتیمانی و نهتهوهیی یه. دهمێ ل بیرا مه دهێت دهسپێكا رۆژههلاتنا ئازادى ل دهڤهرا بههدینان مرۆڤ باش دچیته ناڤ دێرۆكێ دا كا چهند تام ژ ئازادى دهێت. ئێزدیان گهلهك دهستكهڤت وئارمانجین خوه دهستڤه ئیناینه دڤان 27 سالێن بۆرێدا. ئهم گهشبینن دێ پتر بهرهڤ ئایندهكێ گهشتر چن وگههینه ههموو ئارمانج ومافێن خوه ب هێمهتا خوهراگریا مللهتى مه یێ ئێزدى. پێدڤیه ئهم پتر سهبروههداربن چونكو مه قیادهكا حەكیمانە ب سهرۆكاتیا بارزانى ههیه. ئهم دێ ههموو قۆناغێن سهخت ودژوار دهرباز كهین”.
خویا ژى كر:” ئهڤ بیرهاتنێن وهسا یێ نهتهوهیی و دیرۆكی پێدڤیه ههموو خهلكێ كوردستانێ ل ئاستى ڤان رۆژێن دیرۆكی بیت ئهم وهكو ئێزدى وپێكهاتهكێ سهرهكێ ل كوردستانێ ڤێ رۆژا دیرۆكێ پیرۆز ل قهلهم دهن”.
تُتاح هذه الصورة أيضا في: کوردی