میر حازم میرێ ئێزدیان بۆ دهنگێ لالش:دێ سهرهدانا بهغدا كهین
تۆرا لالش یاراگههاندنێ /رائد غانم
بریاره ل دهمهكێ نێزیك میرێ ئێزدیان و جڤاتا رۆحانى دگهل مهزنێن ئێزدیان،سهرهدانا بهغدا بكن و رهوشا ئاواران و دهڤهرا شنگالێ گۆتوبێژ بكن.
میر حازم تهحسین بهگ،میرێ ئێزدیان ل كوردستانێ و عێراقێ و جیهانێ د داخویانیهكا تایبهت دا،بۆ دهنگێ لالش راگههاند،ئهڤه بتر ژ ههشت سالایه خهلكێ مه یێ ئاواره و دهربهدهره و ل بن خیڤهتان دا ژیانا خۆ دهرباز دكن و رهوشا وان گهلهك یا خرابه،دبن ڤێ گهرما وهرزێ هاڤینێ و سهرمایا وهرزێ زڤستانێ دا ژیانا خۆ دبۆرینن،لهورا بۆ ڤێ مهرهمێ بریاره ل دهمهكێ نێزیك دگهل جڤاتا رۆحانى و مهزنێن ئێزدیان سهرهدانا بهغدایێ بكهین و دێ داخواز كهین رێككهفتنا ئاساییكرنا رهوشا شنگالێ بێته بجهئینان و ئاواره ڤهگهرنه سهر جى و وارێن خۆ ڤه و خهلك بێته قهرهبووكرن.
گۆتژى ئهم دهنگێ خۆ دگههیننه حكومهتێن بهغدا و ههولێرێ و ههموو جیهانێ،خۆ ل رهوشا ئێزدیان بكهنه خودان و ژڤێ ژیانا پهریشان یا خیڤهتان قورتال ببن.
س.س
تُتاح هذه الصورة أيضا في: کوردی