تۆرا لالـش
ژ بۆ بلندکرنا ئاستێ رەوشەنبیری ل دەڤەرێ، ل رێکەفتی 27/12/2025 ل رۆژا شەمبوویێ ب ئامادەبوونا جەماوەرەکی زۆر ژ خوندەڤان و رەوشەنبیر و مامۆستایێن دەڤەرێ، ل بنگەهێ لالش تایێ شاریا کتێبا نەخری یا نڤیسکار ( هۆگر حەیدۆ ) هاتە ئیمزاکرن.
ل دەستپێکا چالاکیێ خۆلەکەکێ ڕاوەستیان ژ بۆ گیانێ پاکێ شەهیدان، پاشان بناڤێ بنگەهێ لالش تایێ شاریا ب گەرمی خێرهاتن ل ئامادەبوویان هاتە کرن. پاشان نڤیسکاری روونکرنەک و دیتنەک ل سەر کتێبا خۆ بۆ ئامادەبوویان پێشکێشکر کو تێدا بەحس ل رێ ورەسمێن تازییان و مرنێ ل جەم ئێزدیان کر، دیسان دەرگەهێ گەنگەشێ دناڤبەرا نڤیسکاری و ئامادەبوویان دا هاتە ڤەکرن و ئامادەبوویان چەندین پرسیار ئاراستەی نڤیسکاری کرن و بەرسڤا وان ژی ژ لایێ نڤیسکاری ڤە هاتە دان.
ل دووماهیێ ژی کتێب بێ بەرامبەر ب سەر ئامادەبوویان دا هاتە دابەشکرن.
تُتاح هذه الصورة أيضا في: کوردی