تۆرا لالش
د چارچۆڤێ سەردانەکا ئۆلی و پیرۆز دا، ل ئێڤارییا 11/3/2026ێ، رەعد تارق، بەرپرسێ تایێ بحزانی یێ بنگەهێ لالش یێ رەوشەنبیری و جڤاکی، دگەل هەژمارەکا ئەندامێن دەستەیا کارگێڕیا تایێ ناڤبری، ب گەرمی پێشوازی ل سەرۆکێ قەوالان، قەوال بەهزاد سلێمان سفۆ، ئەندامێ جڤاتا رۆحانی یا ئێزدییان کر.
د ڤێ دیدارێ دا، کو رەهەندەکێ ئۆلی یێ تایبەت هەبوو، رەعد تارق و ئەندامێن تایێ بحزانی خوشحالیا خۆ ب ڤێ سەردانێ دیار کر و ب رێز و حورمەتەکا مەزن پێشوازی ل سەرۆکێ قەوالان کرن، ژ لایێ خۆ ڤە، سەرۆکێ قەوالان سوپاسیا وێ پێشوازیا گەرم و برایانە کر کو ژ لایێ بەرپرس و ئەندامێن تایی ڤە بۆ وی هاتبوو کرن.
هەروەسا سەرۆکێ قەوالان، قەوال بەهزاد سلێمان سفۆ، رۆلێ گرنگ و کاریگەر یێ تایێ بحزانی یێ بنگەهێ لالش ل دەڤەرێ بلند نرخاند، ب تایبەت د خزمەتکرنا جڤاکی و ره‌وشه‌نبیری و پاراستنا کەلەپۆر و رێورەسمێن ئایینی یێن پیرۆز دا، و هیڤیا سەرکەفتنێ بۆ کار و چالاکییێن وان یێن بەردەوام خواست.
رەعد تارق، بەرپرسێ تایی، خوشحالیا خۆ و تەڤایا ئەندامان ب ڤێ سەردانا ئۆلی و پیرۆز دیار کر، ناڤبری د ئاخفتنەکێ دا، باس ل رۆلێ گرنگ و دیرۆکی یێسەرۆکێ قەوالان ل دەڤەرێ کر و رۆلێ وی یێ کاریگەر د پاراستنا رێ و رەسمێن ئایینی و تێکستێن پیرۆز یێن ئێزدیاتیێ دا بلند نرخاند، هەروەسا ته‌كه‌زی ل سەر وێ چەندێ کر کو سەرۆکێ قەوالان وەک ستوونەکا سەرەکی یا ئایینی، هەمیشە رۆلەکێ ئەرێنی د پاراستنا هەڤسەنگی و پێکڤەژیانا جڤاکی دا گێڕایە.
