تۆرا لالش
ب پشته‌ڤانی و ل ژێر چاڤدێرییا ڕێزدار مه‌سرور بارزانی، سه‌رۆكێ حكومه‌تا هه‌رێما كوردستانێ، پرۆژەیێ نووژه‌نكرنا هۆلا باعه‌درێ ب فەرمی كه‌فته د بیاڤێ بجهئینانێ دا.
ژبۆ ئەنجامدان و ب ڕێڤەچۆنا کارێن پرۆژەی ب شێوازەکێ گونجایی، بنگه‌هێ لالش ل باعه‌درێ ئاگەهدارییا ئاكنجیێن دەڤەرێ و دەوروبەران دکەت ژبه‌ر كاركرنێ د پرۆژه‌ی دا، هه‌لكه‌فت و تازی و ڕێوڕەسمێن خۆ یێن جڤاکی ل جهێن دی یێن بەدیل ئەنجام بدەن، تاكو کارێن نووژه‌نكرنێ ب تەمامی ب دوماهی دهێن.
ل هەمبەر ڤێ پێنگاڤێ، بنگه‌هێ لالش تایێ باعه‌درێ ب ناڤێ خۆ و ب نوێنەرایەتییا ته‌ڤایا خه‌لكێ ده‌ڤه‌رێ، مه‌زنترین سوپاسی و پێزانینێن خۆ ئاراسته‌ی سه‌رۆكێ حكومه‌تا هه‌رێما كوردستانێ ڕێزدار مه‌سرور بارزانی كرن بۆ وێ گرنگیپێدان و پشته‌ڤانیا به‌رده‌وام یا پێشکێشی دەڤەرێ و ئێزدییان دکەت.
تُتاح هذه الصورة أيضا في: کوردی