فەیسبووک دێ خزمەتگوزاریا لایڤ ژبۆ کۆمپیوتەران زێدە کەت
ئێن ئارتى
کۆمپانیایا فەیسبووکێ ب فەرمی راگەهاند، د چەند هەیڤەکێن داهاتی دا دێ خزمەتگوزاریا “Live” ڤەگوهاستنا ڤیدیۆیی ب ئاوایەکێ زندی ژبۆ لاپتۆپ و دیسکتۆپان زێدە کەت.
لگۆری زانیاریان ئەو تایبەتمەندی هەڤئاوایێ مۆبایلان ئایکۆنەکا تایبەت ژبۆ ڤەگوهاستنا زندی ل سەر بەشێ پۆستکرنێن فەیسبووکێ دێ هێتە دانان.
ئەو تایبەتمەندی ل سەر داخازا رۆژنامەڤان و بلۆگەران هاتیە زێدەکرن و د نهادا هژمارەکا کێم ژ بکارئینەرێن فەیسبووکێ یێن خوەدی کۆمپیوتەر دشێن مفایێ ژ ڤێ تایبەتمەندیێ وەرگرن.
کۆمپانیایا فەیسبووک ب زێدەکرنا تایبەتمەندیا ڤەگوهاستنا زندی ژبۆ مۆبایلان شیایە ببیتە هەڤرکا سەرەکی یا تۆڕا جڤاکیا تویتەرێ کو خودان ئەپەکە ژبۆ ڤەگوهاستنا زندی ب ناڤێ پێرسکۆپ.
د نهاژی دا ب زێدەکرنا وێ تایبەتمەندیێ ژبۆ کۆمپیوتەران دخازیت ببیتە هەڤرکەکا سەرەکی یا هەر ئێک ژ تۆرێن جڤاکیێن یوتیوب و تویچێ.
ب ڤێ رێیێ ژی دخازیت داهاتەکێ زێدەتر د بازارێ ریکلامێن ڤیدیۆیی دا بدەستخوەڤە بینیت.
لگۆری زانیاریێن چاڤکانیان وەسا دهێتە دیتن ڤێ تایبەتمەندیێ دەمەکێ زێدەتر بڤێت و چەند هەیڤەک پێ بچن هەیا ئەڤ تایبەتمەندیە دگەهیتە دەستێ بکارئینەرێن فەیسبووکێ یێن خوەدی کۆمپیوتەر و د نهادا د قوناغێ تاقیکرنێ دایە.
تُتاح هذه الصورة أيضا في: کوردی