نڤیسەرەك:پێتڤیە رێژا نڤیسكارا كێم ببت و یا خووندەڤانان زێدە بت
تۆرا لالش یا راگەهاندنێ
نڤیسەرێ گەنج و ژێهاتی(مللەت مەحەمەد) خەلكێ قەزا سێمێلێ یە ل پارێزگەها دهۆكێ،ژبلی كارێ نڤیسینێ كارێ دیزاینا ریكلامان دكت و ماوێ چار سالانە دیزاینەرە ل چاپخانا هاوار ل دهۆكێ و نێزیكی(40) پەرتۆكان دیزاینكرینە،خویاكری ژی پێتڤیە نڤیسكار ب خۆ پشتەڤانیا خۆ بكن و ئەو جیێن پەیوەندیدارن و رێژا نڤیسكارا كێم ببت و یا خووندەڤانان زێدە بت.
نڤیسەری بۆ رۆژناما دەنگێ لالش دیاركر، ل سالا(2011)ێ دەست ب نڤیسینا هەلبەستێ كریە ل سالا(2016)ێ ئێكەم بەرهەمێ خۆ ییَ هەلبەستێ ژ وەشانێن پەرتۆكخانا خانی چاپكریە بناڤێ(دمالبچوكیێ دا زارۆیەك تابووتا خۆ دروست دكت)،ل سالا(2018) من دووەم بەرهەمێ خۆ چاپكریە ئەو ژی رۆمانا ( ئاخبرینوس) و هەتا نهۆ ژی یێ بەردەوامم لسەر نڤیسینا ژانرێن ئەدەبی،گۆتژی ژبلی كارێ نڤیسینێ كارێ دیزاینا ریكلامان دكەم و ماوێ چار سالانە دیزاینەر ل چاپخانا هاوار ل دهۆكێ و نێزیكی(40) پەرتۆكان دیزاینكرینە.
دەربارەی كێمبوونا رێژا خووندەڤانان دناڤ جڤاكی دا ئاشكەراكر،ئەگەرێ لاوازبوونا پرۆسێسا خووندنێ، قەیرانا ئابووری یە ئەو ژی ئەگەرێن خۆ هەنە پشتی كو هەژاری پرانیا چینێن جڤاكی بەربەلاڤ دبت خۆ فرۆشتن دبت دیاردەك نۆرمال و رێژا كرێكاران بەرفرەه دبت، هەر ئەڤ چەندە دبتە ئەگەر پرۆسێسا خووندنێ ب تەمامی نەمینت نەكو لاواز ببت،پێتڤیە رێژا نڤیسكارا كێم ببت داكو یا خووندەڤانان زێدە ببت،هەروەسا پێتڤیە نڤیسكار بخۆ پشتەڤانیا خۆ بكن،ژبەركو ئەو جیێن پەیوەندیدارن.
سەبارەت نڤیسكاربوونا خۆ ناڤهاتی دبێژت:ئەگەر هەنە بۆ هەر تشتەكی مرۆڤ بێت گهۆرین،هەر كەسەكی كارەك هەیە ئەگەر لێگەریانێ بكت،هندەك جاران مرۆڤ گەلەك كاران دكت و چ ژ وان یێ مرۆڤی نینە و گەلەك جاران ژی ل دەستپێكێ مرۆڤ كارەكی دكت و دبت یێ مرۆڤی،لێ پێتڤیە ب ئەرك و بەرپرسیارەتی بزانت،ئەگەرێن هێلاین بەردەوام بم لسەر نڤیسینێ یێ ئێكێ ئەز بخۆ بووم، ژبەركو نزانم و من پێتڤی ب خووندنێ هەیە دا كو هشدارەیەكێ بخۆ دروست بكم،یێ دووێ ئەو بوویەرێن دناڤ جڤاكی دا دئێن ئەنجام دان وەك پشت گوهـ هاڤێتنا ئەركێن خەلكی،دەست دانان لسەر سامانێ وەلاتی و زۆرداریكرن و نە وەكهەڤی یا مرۆڤان د ژیارێ دا و زێدەبوونا رێژا بەندایەتی ب گشتی دناڤ جڤاكێن جیهانێ دا … هـتد كارتێكرنا خۆ هەبوون كو بەردەوام بم.
لدۆر سالوخەتێن نڤیسكاری مللەتی گۆت:پێش مرۆڤ ببتە نڤیسەر ب دیتنا من دڤێت ئەڤ ساخلەت دگەل هەبن كو پێتڤیە راستگۆ بت دگەل خۆ و خودان پرەنسیپ بت،مرۆڤ كێم ب ئاخڤت و دوویر تەماشە بكت و گەلەك بخوونت و گوهداریێ بكت،ئەڤا من گۆتی نە مەرجن بەلكو دیتنا منە.
تُتاح هذه الصورة أيضا في: کوردی