ئارمانجا دوو سترانبێژێن باكوورێ كوردستانێ ئاڤاكرنا هۆنەرەكی نوویە بۆ سترانا كوردی
تۆرا لالش یا راگەهاندنێ
هەردوو گەنجێن سترانبێژێن باكوورێ كوردستانێ(شیار و دژوار)برایێن ئێكن و سترانێن كوردی ب هەڤرا دبێژن دگەل لێدانا سازا كۆرمانجی ناڤ و دەنگیا وان بەلاڤ بوویە،كو ئارمانجا وان ئاڤاكرنا هۆنەرەكی نوو یە.
سترانبێژێ گەنج(دژوار) بۆ رۆژناما دەنگێ لالش خویاكر،هەر ژ كچكاتیا خۆ دا من و برایێ خۆ شیاری هەول ددا خۆ فێری گۆتنا سترانێن كوردی و لێدانا سازێ بكەین داكو بكارن خزمەتەكێ پێشكێشی گەلێ خۆ بكن،ژبەر دڤی دەمی دا مللەتێ مە گەلەك پێتڤی ب هۆنەری یە و ب تایبەت هۆنەرێ ستران گۆتنێ، د دەمێن بۆری دا مە هەول ددا ب دەنگ و رەنگ دناڤ هەست و دل و دەرونێن خەلكێ دابن و ب تایبەت دڤان كاودانێن نەخۆش یێن بسەر گەلێ مەدا هاتین بتر بزاڤكر سترانێن نەتەوەیی بێژن و ب سەدان ستران كرینە كلیپ و دكەنالێ خۆ یێ یوتوبی دا بەلاڤ كرینە،ئەم هەموو جۆرێن سترانێن كوردی دبێژن وەك ئەڤینی و نەتەوەی و هتد.
هەروەسا گۆت:ئارمانجا مە یا سەرەكی بۆ ناڤ ژیانا هۆنەری ئەوە هۆنەرەكی نوو ئاڤا بكەین و دلێ هەموو حەژێكرێن سترانا كوردی خۆش بكەین و دێ لسەر ئارمانجا خۆ و گۆتنا سترانێ بەردەوام بین و خزمەتێ پێشكێشی گەلێ خۆ كەین.
سترانبێژ(دژوار)ل گوندێ مەنسۆریێ ل سالا(1992)ێ و (شیار) ل سالا(1987)ێ ل مێردینا باكوورێ كوردستانێ ژ دایك بووینە و ب هەڤرا سترانان دبێژن.
تُتاح هذه الصورة أيضا في: کوردی