من تو بتنێ وەلاتی
دلفەتار
بەری عەشق بگەهت ئەسمانی
گولێن بێدەرا دبوونە دێمێ تە
هەموو رەخێن رێكێن ئاخێ
كراسێن تە بوون
نە ژدیتنا وان تێر دبووم
نە ژ ئاشووپا ئەز رەڤەند دكرم
قورخ بتنێ چیرۆك دیتا مە بوو
ئەم ڤەدگوهاستین سەر لێڤێن بەهارێ
تو ل كیژ رەخێ منی شاهێ
نە بۆشاتی،نە بۆشایی من هەمبێزدكەتە
نەكو عەور رەشێ ها تو رەڤابی؟!
نەكو مژا سپێدا تو هەلكێشا بی؟!
دەركەڤەدەر
ژمێژە من نەدیتی ،رووهێن تە…
ژشەرمێ سۆر
ژمێژە پێلێن تە
دارامن
نەهێلایێ بێ ئاخ ودۆر
ژمێژە نەبوویمە پێت،
شەیدا وشێت
وەرە دا دووگیان،بێی لەش
دناوسكێن بێ مالادا ل یەك كۆمڤەبین
دا چ جارا ژیەك ڤەنەبین
من تو بتنێ وەلاتی
من تو بتنێ خەلاتی
تُتاح هذه الصورة أيضا في: کوردی