عێراق ل ناڤ 10 وهلاتێن گهرم يێن جیهانێ دایە
رووداو- هەولێر
ماڵپەرێکی نێودەوڵەتی تایبەت بە کەشوهەوا، عێراقی لە لیستی 10 گەرمترین وڵاتانی جیهان پۆلێن کردووە.
ماڵپەریweather met sky ، کە تایبەتە بە خزمەتگوزاری کەشوهەوا لە راپۆرتێکدا، عێراقی لە چوارچێوەی 10 گەرمترین وڵاتانی جیهان پۆلێنکردووە، کە پلەکانی گەرمایان لە وەرزی هاویندا 54 پلە تێ دەپەڕێنێت.
ماڵپەڕەکە ناوی 10 وڵاتیان بەم شێوەیە پۆلێن کردووە عومان، سوودان، سعودیە، هیندستان، مەکسیک، مالیزیا، جەزائیر، ئەسوپیا، لیبیا و عێراق.
حکومەتی هەرێمی کوردستان، بەهۆی بەرزبوونەوەی پلەکانی گەرما، رۆژی پێنجشەممەی کردە پشووی فەرمی لە سەرتاسەری هەرێمی کوردستاندا .
رۆژی سێشەممەش 19-7-2016 لە راگەیێندراوێکدا ئەنجوومەنی وەزیرانی عێراق رایگەیاند “بەهۆی بەرزبوونەوەی پلەکانی گەرما بۆ سەرووی 50 پلەی سەدی بڕیاردرا رۆژانی چوارشەممە و پێنجشەممە 20 و21-7-2016 لەسەرجەم دامودەزگاکانی عێراق پشووی فەرمی دەبێت”.
هەروەها بەهەمان هۆکار، رۆژانی چوارشەممە و پێنجشەممەی ئەم هەفتەیە لە سنووری ئیدارەی گەرمیان كرایە پشوو.
تُتاح هذه الصورة أيضا في: کوردی