بارزانی و كونسلێ نوو یێ فره‌نسا ل هه‌ولێرێ كۆمبوون
waar – دهوك :
سه‌رۆكێ هه‌رێما كوردستانێ ئه‌ڤرۆ دگه‌ل كونسلێ نوو یێ فره‌نسا ل هه‌ولێرێ كۆمبوو، شه‌ڕێ داعشێ،و پشته‌ڤانییا هێزێن پێشمه‌رگه‌ی و گرفتا ئاواره‌یان گوتۆبێژ لسه‌ر كرن.
ئه‌ڤرۆ پشتی نیڤرۆ مه‌سعوود بارزانی ل پیرمام دگه‌ل دۆمینیك ماس، كونسلێ نوو یێ فره‌نسا ل هه‌ولێرێ كۆمبوو و كونسلێ فره‌نسی كۆمبوونا دگه‌ل بارزانی ب شه‌ره‌فه‌كا مه‌زن ناڤكر و راگه‌هاند؛ وه‌لاتێ وی پشته‌ڤانێ هێزێن پێشمه‌رگه یه و هاریكاریێن وان یێن سه‌ربازی ژی دێ د به‌رده‌وامبن.
هه‌روه‌سا گۆت: فره‌نسا ئاماده‌یه، بۆ قۆناغا پشتی داعشێ، لدۆر ڤه‌گه‌راندنا ئاواره‌یان، و نه‌هێلانا شوونوارێن شه‌ڕ و هه‌لگرتنا مینان، ل ده‌ڤه‌رێن ئازاد كری،و هه‌ر هاریكارییه‌كێ پێشكێشی هه‌رێما كوردستانێ بكه‌ت.
ژ ئالیێ خوه ڤه ، بارزانی، په‌یوه‌ندیێن ناڤبه‌را هه‌رێما كوردستانێ و فره‌نسا دا، ب دیرۆكی ناڤكرن و دیاركر، بۆ پێشدابرنا په‌یوه‌ندیێن ئابووری،و كولتووری و سیاسی دگه‌ل فره‌نسا، هه‌رێمێ چ توخیبه‌ك نینه.
شه‌ڕێ تیرۆرستێن داعشێ و رزگاركرنا مووسلێ، ته‌وه‌ره‌كێ دیێ سه‌ره‌كی یێ كۆمبوونا سه‌رۆكێ هه‌رێمێ و كونسلێ فره‌نسی بوون.
تُتاح هذه الصورة أيضا في: کوردی