فهرماندهیهكێ پێشمهرگهی: گاڤا ئێكێ یا رزگاركرنا مووسلێ كونترۆلكرنا دهشتا نهینهوایه
waar – دهوك :
فهرماندهیهكێ هێزێن پێشمهرگهی رادگههینیت؛ ئامادهكاریێن كونترۆلكرنا مووسلێ هاتینهكرن و ل دهستپێكێ، دهشتا نهینهوا ژ ئالیێ پێشمهرگهی و سوپایێ ئیراقێ ب تهمامی دێ هێته كونترۆلكرن، پاشان هێرشا سهنتهرێ مووسلێ دێ دهستپێكهت.
عهمید بههرام عهریف یاسین دۆسكی، فهرماندهیێ پێشمهرگهی ل بهرهیێ باشیكێ راگههاند؛ پشتی رێككهڤتنا ههولێر و بهغدا و ههڤپهیمانان، بۆمبهبارانا دژوار ل سهر تیرۆرستێن داعشێ ل ناڤا مووسلێ دهستپێكرییه و هێزهكا سوپایێ ئیراقێ ژی ل بهرهیێ گوێر و مهخموورێ هاتیه بجهكرن و چاڤهرێیه هێزێن زێدهتر یێن سوپایی، بگههنه وان ناوچهیێن ل دهشتا نهینهوا بۆ هاتینه دیاركرن.
گۆت ژی: هێزێن پێشمهرگهی، مهرجێن خوه بۆ پشكداریكرنێ د كونترۆلكرنا مووسلێ دا ههنه و گرنگه ههڤپهیمان و حكومهتا ئیراقێ، ههموو مهرجان بجهبینن و ل دهستپێكێ ژی، چهكێن گران و پێشكهڤتی و كهلوپهلێن پاراستنێ ژ چهكێن كیمیاوی بهێنه دابینكرن.
وی فهرماندارێ پێشمهرگهی دا زانین، رێكخستییا تیرۆری یا داعشێ، ژبهر نزیكبوونا ئۆپهراسیۆنا مووسلێ، ههژمارا تیرۆرست و لڤینێن خوه زێدهكرینه، داكو ئۆپهراسیۆنێ پاشبێخن، لێ پێشمهرگه و ههڤپهیمان ژی، بهردهوام لڤین و جهێن وان دكهنه ئارمانج.
تُتاح هذه الصورة أيضا في: کوردی