وهزارهتا سامانێن خوهرستی راپۆرتا مهها بۆری یا هنارتنا پهترۆلێ بهلاڤكر
waar – دهوك :
وهزارهتا سامانێن خوهرستی یا ههرێمێ؛ راپۆرتا مهها بۆری یا هنارتنا پهترۆلێ بهلاڤكر و تێدا ئاشكهرا كر: داهاتێ پهترۆلا مهها بۆری، پتری شهش سهدوسیهـ وشهش ملیۆن دۆلاران بوون.
وهزارهتا سامانێن خوهرستی یا ههرێمێ د راپۆرتا خوه دا دیاركریه: ل مهها بۆری ئهوان رۆژانه؛ شهش سهدو چوارده هزارو حهفتێ وئێك بهرمیلێن پهترۆلێ بهرههم ئیناینه، و رۆژانه پێنج سهدوچل هزار و ههشت سهدوپێنجی وحهفت بهرمیلێن پهترۆلێ هنارتینه بهندهرێ جهیهان یێ توركی.
دایه زانین ژی: سهرجهمێ پهترۆلا بهرههم هاتی ل مهها بۆری شازده ملیۆن و حهفت سهدوشێست وشهش هزار بهرمیلێن پهترۆلێ بوون.
سامانێن خوهرستی خویا ژی كریه: ههر بهرمیلهكا پهترۆلێ ب سیهـ ونههـ دۆلار و سیهـ ودو سهنتان فرۆتیه و داهاتێ پهترۆلا فرۆتی یا مهها بۆری شهش سهدوسیهـ وشهش ملیۆن و سێ سهدوشێست وچوار هزار دۆلار بوون ؛و پشتی راكرنا پارێ كۆمپانیان و خهرجیێن دی، چوارسهد وشازده ملیۆن و پێنج سهدو یــازده هزار دۆلار ؛ژ داهاتێ پهترۆلا مهها بۆری بۆ حكومهتا ههرێمێ ماینه.
تُتاح هذه الصورة أيضا في: کوردی