نێچیرڤان بارزانی: پێشبینی دكه‌ین ره‌وشا دارایی ئه‌ڤساله باشتر بیت
waar-دهۆك:
سه‌رۆكوه‌زیرێن هه‌رێما كوردستانێ، رادگه‌هینیت؛ تا ڤێ ساتێ هه‌ولێر چاره‌یا كیشه‌یان دگه‌ل به‌غدا دخوازیت، به‌رهه‌ڤه ژی گۆتوبێژان ده‌ست پێ بكه‌ت.
نێچیرڤان بارزانی د هه‌ڤدیتنه‌كا ده‌نگێ ئه‌مریكا دا گۆت: هه‌رێم به‌رهه‌ڤه گۆتوبێژان دگه‌ل به‌غدا ده‌ست پێ بكه‌ت، ژبه‌ركو هه‌رێم رێككه‌فتنا دگه‌ل به‌غدا ب باشتر ژ رێككه‌فتنا هه‌ر ئالییه‌كێ دی دزانیت و ئاماژه‌كر، هه‌رێم رێككه‌فتنه‌كا وه‌ها دگه‌ل به‌غدا دخوازیت كو هه‌ر دو ئالی ژێ مفادار بن.
سه‌رۆكێ وه‌زیران، گۆت: بۆ چاره‌یا كێشه‌یان ئیراق ناهێته پێش، به‌ره‌ڤاژی هه‌رێمێ و دوپاتكر، ژبه‌ركو به‌غدا ناڤه‌نده نابیت ئه‌و وه‌سا سه‌ره‌ده‌ریێ بكه‌ت كو برا گه‌وره‌یه.
ل دۆر شه‌ڕێ داعشێ نێچیرڤان بارزانی ئاماژه ب وێ یه‌كێ كر كو هه‌ر چه‌نده داعش یا ناوچه‌یێن بن ده‌ستهه‌لاتا خوه ژ ده‌ست دده‌ت، لێ ترسا وێ وه‌كو رێكخستنه‌كا تیرۆرستی ل ئیراقێ هه‌یه، لێ ل كوردستانێ ئه‌و ترسه نه‌مایه، چونكه هزرا داعشێ ئه‌و پشته‌ڤانی ل هه‌رێمێ نینه.
دوپات ژی كر، ئۆپه‌راسیۆنا مووسلێ سه‌دێ پێنجی ب هاریكارییا زانیاریێن هه‌والگیری یێن هه‌رێما كوردستانێ هاتییه بجهئینان.
د مژارا قه‌یرانا دارایی دا، نێچیرڤان بارزانی دیاركر، ئه‌گه‌ر ره‌وشا دارایی باش بوو، ئێكه‌م كار دێ چاره‌كرنا گرفتا مووچه‌ی بیت و گۆت: پێشبینی دكه‌ین، ئه‌ڤ ساله ره‌وش باشتر بیت، هه‌رێم شیاییه تا راده‌یه‌كی قه‌یرانێ رابگریت.
ده‌رباره‌ی ئیداره‌یا نوو یا ئه‌مریكا ژی، سه‌رۆكوه‌زیرێن هه‌رێمێ دبێژیت: كورد ب هیڤی نه ئیداره‌یا ترامپی هه‌مان په‌یوه‌ندیێن باشێن ئیداره‌یا ئۆبامای دگه‌ل كوردان زێده‌تر و باشتر لێ بكه‌ت.
تُتاح هذه الصورة أيضا في: کوردی