وهزیرا بهرگرییا ئیتالیا: پشتهڤانییا پێشمهرگهی دێ بهردهوام بیت
waar – دهۆک:
وهزیرا بهرگرییا ئیتالیا، ل ههرێما كوردستانێ یه و تهماما پشتهڤانییا وهلاتێ خوه ژی بۆ هێزێن پێشمهرگهی دوپات كر.
ل گۆری مالپهرێ فهرمی یێ حكومهتا ههرێمێ، رۆبێرتا بیــنۆتی وهزیرا بهرگرییا ئیتالیا، شڤێدێ ب سهرۆكایهتییا شاندهكا بلندا سهربازی و دبلۆماسی یا وهلاتێ خوه، گههشتیه ههولێرێ و دگهل نێچیرڤان بارزانی سهرۆكێ حكومهتا ههرێما كوردستانێ كۆمبوویه و تێدا، سوپاسیا گهل و حكومهت و هێزێن پێشمهرگهیێن كوردستانێ كرییه كو ب ههڤڕا ل ههمبهری تیرۆرێ راوهستاینه و بهردهوامییا پشتهڤانییا وهلاتێ خوه ژی، ژ روویێ، چهك، مهشق و راهێنان و چارهكرنا بریندارێن پێشمهرگهی بۆ ههرێما كوردستانێ دوپات كر.
رۆبێرتا بیــنۆتی گۆت ژی: ئهو خوهشحاله كو جارا سێیهمه سهرهدانا ههرێمێ دكهت و باس ل پهیوهندیێن دوقولی یێن وهلاتێ خوه و ههرێما كوردستانێ و سهربازگههێن شیرهتكارێن ئیتالی ل ههرێمێ و رۆلێ ئیتالیا د نووژهنكرن و چاڤدێریكرنا بهنداڤا مووسلێ دا كر.
ژ ئالیێ خوهڤه سهرۆكوهزیرێن ههرێمێ، پهسنا رۆل و پشتهڤانیا وهلاتێ ئیتالیا د شهڕی دژی داعشێ دا كر و باسێ ههماههنگیا سهربازی یا دناڤبهرا ههولێر و بهغدایێ دا، د شهری دژی داعشێ دا كر و دیاركر، ههر چهند د وارێ سیاسی دا، پهیوهندیێن ههرێم و حكومهتا فیدرال د ئاستێ پیدڤی دا نینن، لێ حكومهتا ههرێمێ ئامادهیه ههموو كێشهیێن خوه ب رێیا دیالۆگێ دگهل بهغدا چارهبكهت.
تُتاح هذه الصورة أيضا في: کوردی