سوبه بارزانی و ئۆلاند دێ ل پاریس كۆمبن
WAAR – دهۆک:
وهسا بڕیاره سوبه سهرۆكێ ههرێما كوردستانێ سهرا فرهنسا بدهت و ل پاریس دگهل فرانسوا ئۆلاند، سهرۆكێ وی وهلاتی كۆمببیت.
عهلی دۆلهمهری نوونهرێ حكومهتا ههرێما كوردستانێ ل فرهنسا بۆ وار راگههاند؛ مهسعوود بارزانی سهرۆكێ ههرێما كوردستانێ سوبه دێ گههیته پاریس و ل كۆچكا ئیلیزێ ژ ئالیێ فرانسوا ئۆلاند پێشوازی لێ هێته كرن.
دیار ژی كر، كۆمبوونا بارزانی و ئۆلاندی دێ ل دهمژمێر سێ پشتی نیڤرۆ بیت ب دهما ههرێما كوردستانێ.
بارزانی ژ ئهینییا بۆری ل وهلاتێ ئهلمانیایه ب مهرهما پشكداریكرنێ د كۆنگرهیا میونشن دا، د سێ رۆژێن كۆنگرهی دا، چهندین كۆمبوون دگهل سهركردهیێن جیهانێ ساز كرن.
فرانسوا ئۆلاند ب ئێكهم سهرۆكێ ئهورۆپی د شهڕێ داعشێ دا سهرا ههرێما كوردستانێ دای و پشتهڤانی بۆ گهلێ دوپات كری، ههروهسا پشتی رزگاركرنا باشیكێ ژی ل دهستپێكا ئهڤ ساله فرانسوا ئۆلاند، سهرهدانا ههرێما كوردستانێ كر و د گهل بارزانی كۆمبوو، ههروهسا سهرهدانا ئێك ژ بهرهیێن شهڕی كر و ژ نێزیك هایداری رهوشا پێشمهرگهی بووی.
تُتاح هذه الصورة أيضا في: کوردی