حهشدا شەعبی رێکەفتنا ناڤبهرا ههولێر و بهغدا پێشێل کرییه
WAAR-دهۆك:
سهرپهرشتێ بهرهیێ شنگال یێ هێزێن پێشمهرگهی رادگههینیت؛ حهشدا شهعبی، رێككهفتنا ناڤبهرا ههولێر و بهغدا پێشێل كرییهو بێی ههماههنگی ئۆپهراسیۆنان دكهت.
سەربەست لەزگین بۆ ئاژانسا ئهنادۆل راگههاند؛ بریار بوو ئۆپەراسیۆنهكا ههڤپشكا سوپایێ ئیراقێ و پێشمەرگەی بۆ کونتڕۆڵکرنا دهڤهرێن بن دەستێ داعشێ دەست پێ بکەن، لێ حەشدا شەعبی بێی بهرچاڤكرنا رێككهفتنێ ئۆپهراسیۆن ل قهیرهوان یا سهر ب شنگالێ ڤه دهست پێ كر.
خۆیا ژی كر حهشدا شهعبی دبێژیت: ئارمانجا ئۆپهراسیۆنێ كونترۆلكرنا سنۆری یه دگهل سووریا، لێ د كهتواری دا وهسا نینه، چونكی ئهو جهێ شهڕی لێ دكهن شێست ههتا حهفتێ كیلۆمهتران ژ سنۆرێ سووریێ دووره.
ههروهسا گۆت: ب هیچ ئاوایهكی ناهێته قهبوولكرن هیچ هێزهكا بیانی بۆستهكا ئاخا كوردستانێ بگریت و ل دهمێ مانا هێزێن حهشدێ ل سنۆرێ شنگالێ وی دهمی وان ژی دێ ههلویستێ خوه ههبیت.
تُتاح هذه الصورة أيضا في: کوردی