بینالی یه‌لدرم: توركیا دگه‌ل ئێكپارچه‌ییا ئاخا ئیراقێ یه
WAAR_دهوک
سه‌رۆكوه‌زیرێن توركیا هه‌لوه‌ستێ خوه‌ده‌رباره‌ی رێفراندۆما سه‌رخوه‌بوونا هه‌رێما كوردستانێ راگه‌هاند و دیاركر، ئه‌و دگه‌ل یه‌كپارچه‌ییا ئاخا ئیراقێ نه.
بینالی یه‌لدرم، سه‌رۆكوه‌زیرێن توركیا ئه‌ڤرۆ د پرێسكۆنفرانسه‌كی دا به‌حسا بڕیارا رێفراندۆما هه‌رێما كوردستانێ كر و گۆت: بۆچوونا توركیا روهن و ئاشكرایه، ئه‌و دگه‌ل یه‌كپارچه‌ییا ئاخا ئیراقێ نه و دخوازن هه‌موو ئیراقی پێكڤه وه‌كو یه‌ك ده‌وله‌ت بژین.
بینالی یه‌لدرم ئاماژه‌كر، كێشه ل ده‌ڤه‌رێ هه‌نه، له‌و دروستكرنا كێشه‌یه‌كا دی كاره‌كێ راست نابیت و گۆت: توركیا ل وێ باوه‌رێ یه، بڕیارا رێفراندۆمێ بڕیاره‌كا نا به‌رپرسیارانه‌یه.
هه‌ر ئه‌ڤرۆ وه‌زاره‌تا ده‌رڤه‌یا توركیا ژی، ریفراندۆما سه‌رخوه‌بوونا كوردستانێ ب بریاره‌كا شاش ناڤكر و پشته‌ڤانییا خوه بۆ ئێكپارچه‌ییا ئاخا ئیراقێ راگه‌هاند.
ئه‌ڤه‌د ده‌مه‌كی دایه‌كو ل 7 ڤێ مه‌هێ، ئالیێن سیاسی یێن هه‌رێما كوردستانێ ب سه‌رپه‌رشتییا بارزانی ل پیرمام كۆمبوون و بریار دان، ل 25 ئیلونا ئه‌ڤ ساله، ریفراندۆم ل هه‌رێما كوردستانێ بهێته كرن.
تُتاح هذه الصورة أيضا في: کوردی