حکومەتا ئوسترالیا ٣ ملیۆن دۆلار بۆ ئاڤەدانکرنا عێراقێ تەرخانکرن
كوردسات
حکومەتی ئوستراڵیا ٣ ملیۆن دۆلاری بۆ ئاوەدانکردنەوەی عێراق تەرخان کردووە ، کریستۆڤەر لانگمان ، باڵیۆزی ئوستراڵیا لە عێراق رایگەیاندووە وڵاتـەکەی بەردەوام دەبێـت لە ھاوکاریکردنی عێراق بۆ ئاوەدانکردنەوەی ناوچە ئازادکراوەکان کە رۆڵی سەرەکی دەبێـت لە گەرانەوەی ئاوارەکاندا .
لەو چوارچێوەشدا حکومەتی ئوستراڵیا بڕی یەک ملیۆن و ٥٠٠ ھەزار دۆلاری تری بۆ پرۆژەی گەرانەوەی سەقامگیری سەر بە بەرنامەی گەشەپێدانی نەتەوەیەکگرتوەکان تەرخان کردووە کە ئامانج لە پرۆژەکە دووبارە ئاوەدانکردنەوەی ناوچە ئازادکراوەکانی عێراقە ، بەو شێوەیەش کۆی گشتی ئەو بڕە پارەیەی تا ئێستا حکومەتی ئوستراڵیا بۆ ئاوەدانکردنەوەی ناوچە ئازادکراوەکانی عێراق تەرخانی کردووە گەیشتۆتە ٣ ملیۆن دۆلار.
لایخۆشیەوە لیز گراندێ ، نوێنەری بەرنامەی گەشەپێدانی سەر بەنەتەوەیەکگرتوەکان لە عێراق رایگەیاندووە لە چوارچێوەی ئەو پرۆژەیەی بەرنامەی گەشەپێدانی سەر بە نەتەوەیەکگرتوەکان لە عێراق جێبەجێ دەکات سەدان پرۆژە بۆ ئاوەدانکردنەوەی ناوچە ئازادکراوەکان جێبەجێ دەکرێن و تەنھا لە موسڵ ٣٠٠ پرۆژەیان ھەیە.
تُتاح هذه الصورة أيضا في: کوردی