جێگرێ پارێزگارێ مووسل: مە چو هیڤی ب كۆنگرێ كوێتێ نینن عیراقێ ئاڤەدان بكەت
باسنيوز:
جێگرێ پارێزگارێ مووسل راگەهاند، كۆنگرێ كوێتێ بۆ ئاڤەدانیا عیراقێ هاتبوو دانان، لێ مخابن ئەڤ ناڤە ل سەر وی كۆنگرەی هاتبوو دانان، چونكو ناڤەرۆكا وی هۆسا نەبوو و ب تنێ كۆنگرەیەكێ وەبەرهێنانێ بوو.
عەبدولقادر شنگالی جێگرێ پارێزگارێ مووسل، بۆ (باسنیۆز) دیار كر “مە چو هیڤی ب كۆنگرێ كوێتێ نینن دێ عیراقێ ئاڤەدان كەت و ئەڤ ب تنێ كۆنگرەیەكێ وەبەرهێنانێ بوو و چو مفای ل عیراقێ ناكەت و د ناڤا كۆنگرەی دا چو بەحسێ ئاڤەدانیا دەڤەرێن زیانڤێكەفتی نەهاتیە كرن و پتریا پەنەل و گفتۆگۆیێن وان ل سەر لایەنێ وەبەرهێنانێ بوون”.
ئاشكرا ژی كر كو ل ناڤا مووسل دا پتر 40 هزار خانیێن هاوولاتیان ب تمامی هاتینە وێرانكرن و پێدڤیە جارەكا دی سەر ژ نوو بهێنە ئاڤەدانكرن.
زیاتر… ئهمیر ئهترووشی
تُتاح هذه الصورة أيضا في: کوردی