ئەردۆغان: ئۆپەراسیۆن ب کۆنترۆلکرنا عەفرینێ ب داوی ناھێت

ئەردۆغان: ئۆپەراسیۆن ب کۆنترۆلکرنا عەفرینێ ب داوی ناھێت
WAAR-دهۆك:

سەرۆککۆمارێ تورکیا ئەڤرۆ کونترۆلکرنا عەفرینێ راگەھاند و گۆت: ئۆپەراسیۆنا وان ل دەردۆرا عەفرینێ ژی دێ بەردەوام بیت.
رەجەب تەیب ئەردۆغان ئەڤرۆ د کۆنگرەیا پارتییا خوە ئاکەپێ دا ل باژاڕێ چاناککەلە گۆتارەک ئاراستە کر و تێدا بەحسا ئۆپەراسیۆنا چەقێ زەیتوونێ کر و گۆت: ئەڤرۆ ل سات ھەشت و سیھـ و حەفت خۆلەک سوپایێ تورکیا و ھەڤپەیمانێن وێ باژێرێ عەفرینێ کۆنترۆل کرییە.
ئەردۆغان گۆت ژی: ئەو کارێ سوپایێ تورکیا ل پێشتر ل جەرابلۆس، راعی و بابێ کری، ھەمان کار ل عەفرینێ ژی کرییە.
ئەردۆغان سوپایێ تورکیا ب سوپایێ ھەری داویێ یێ ئیسلامی ب ناڤ کر و گۆت: پێشڤەچوونا وان ب کۆنترۆلکرنا عەفرینێ ب داوی ناھێت بەلکو ئۆپەراسیۆن دێ بەردەوام بن.

تُتاح هذه الصورة أيضا في: کوردی