ل رۆژهەلاتێ کوردستانێ هۆشداریا دروستبوونا لههيا دئێته دان
رووداو – هەولێر
بارانبارین لە پارێزگاکانی رۆژهەڵاتی کوردستان لە دوو رۆژی رابردووەوە دەستیپێکردووە. بەگوێرەی پێشبینیی کەشناسیی ئێران، لە هەندێ ناوچە تاوەکو دووشەممەی داهاتوو بارانبارین بەردەوام دەبێت و لافاو دروستدەبێت.
سەبارەت بە ئەگەری روودانی لافاو، هەڵچوونی ئاوی رووبارەکان، هەروەها ئەگەری زیانگەیاندنی هەورەبرووسکە و بای بەهێز و تەرزە لە پارێزگاکانی رۆژهەڵاتی کوردستان و ناوچەکانی بناری زاگرۆس بەتایبەتی، کەشناسیی ئێران بۆ رۆژی پێنجشەممە 12-4-2018 هۆشداریی داوە. کەشناسی داوای لە دامودەزگا پەیوەندیدارەکانی فریاکەوتن و رووبەڕووبوونەوەی قەیرانیش کردووە خۆیان بۆ ئەگەری هەرچەشنە رووداوێک ئامادەبکەن.
کەشناسیی ئێران هۆشداری بە جووتیار و ئاژەڵدارەکانی ئەو ناوچانە داوە کە لەم رۆژانەدا لەبەر ئەگەری روودانی هەورەبرووسکەی بەهێز خۆیان لە نزیکبوونەوە لە رووبارەکان، شوێنە بەرزەکان، بندار و دارستانەکان بەدووربگرن.
لە دوو رۆژی رابردوودا بەهۆی بارینی باران و لە هەندێ ناوچەش تەرزە، لە زۆربەی ناوچەکانی پارێزگاکانی ورمێ و کرماشان ئاو رێگا و شەقامەکانی گرتووەتەوە. بەتایبەت لە ناوچە بوومەلەرزەلێدراوەکانی کرماشان جارێکی دیکە زیانلێکەوتووان خێوەتەکانیان ئاوی تێچووە و تووشی گرفت بوون.
تُتاح هذه الصورة أيضا في: کوردی