دهمێ تۆمارکرنا قەوارێن سیاسی بۆ هەلبژارتنێن پەرلەمانێ کوردستانێ هاته دیارکرن
باسنيوز:
کۆمسیۆنی باڵای سەربەخۆی هەڵبژاردن و راپرسی لە هەرێمی کوردستان ناوی قەوارە سیاسییەکان بۆ هەڵبژاردنی پەرلەمانی کوردستان، تۆمار دەکات.
بەپێی زانیارییەکان، تۆمارکردنی ناوی قەوارە سیاسییەکان لە رۆژی یەکشەممە 27/5/2018 دەست پێ دەکات و تا رۆژی 7/6/2018 بەردەوام دەبێت و تۆمارکردنی هاوپەیمانییەکانیش لە 18/6/2018 تا 20/6/2018 بەردەوام دەبێت.
لەکاتی تۆمارکردندا، پێویستە حزب و کۆمەڵەکان 50 ملیۆن دینار، پێکهاتەکان 25 ملیۆن دینار و قەوارەی ئەرمەن 10 ملیۆن دینار وەک گەرەنتی بدەنە کۆمیسیۆن.
کۆمسیۆن مەرجی ئەوەی بۆ تۆمارکردنی هەر قەوارەیەک داناوە، کە دەبێ واژۆی 500 کەسی سەرووی تەمەن 18 ساڵی بباتە کۆمسیۆن.
بڕیارە رۆژی 30/9/2018، لە هەرێمی کوردستان هەڵبژاردنی پەرلەمانی کوردستان ئەنجام بدرێت.
تُتاح هذه الصورة أيضا في: کوردی