سەرۆکێ هەرێمێ: دڤێت ل بەغدا پێکڤە کار بکەین
ئەڤرۆ نیوز:
نێچیرڤان بارزانی سەرۆکێ هەرێما کوردستانێ د چارچۆڤێ سەرەدانا خوە یا بۆ باژێرێ سلێمانیێ و کۆمبوونا ل گەل ئێکەتیێ و بزاڤا گۆران راگەهاند کو یا نها بۆ مە گرنگ ئەوە هێزێن کوردستانی ل بەغدا پێکڤە کار بکەن، چونکو هەکە ئەم پێکڤە کار بکەین دێ شێین دەستکەفتیان بپارێزین و بەرۆڤاژی هندێ دێ تووشی زیانێ بین.
سەرۆکێ هەرێما کوردستانێ دیار کر کو د چارچۆڤێ دروستکرنا هەڤپەیمانیا کوردستانی ل بەغدا ل گەل هەر دو جێگرێن خوە سەرەدانا بزاڤا گۆران و ئێکەتیێ کرینە و گۆت: (دێ پاشی سەرەدانا لایەنێن دی یێن سیاسی ژی کەین و ئارمانجا مە ئەوە ل بەغدا پێکڤە کار بکەین و وی دەمی دێ پێگەهێ هەرێما کوردستانێ ژی بهێز کەڤیت).
تُتاح هذه الصورة أيضا في: کوردی