سوبە دێ رێککەفتن ل سەر چەوانیا دانانا هێلا شەمەندەفرێ ل هەرێمێ هێتە کرن

سوبە دێ رێککەفتن ل سەر چەوانیا دانانا هێلا شەمەندەفرێ ل هەرێمێ هێتە کرن

گاڤ نیوز – تایبەت

وەزارەتا ئاڤەدانکرن و ئاکنجیبوونێ یا هەرێما کوردستانێ ئەڤرۆ راگەهاند: سوبەهی وەزارەت ل گەل کۆمپانیەکا بیانی دێ خواندنێ بۆ چەوانیا بجهئینانا پرۆژەیێ هێلا ئاسنی کەت.

ئاگرین عەبدوللا، بریکارێ وەزارەتا ئاڤەدانکرن و ئاکنجیبوونێ بۆ گاڤ نیوز گۆت: سوبەهی وەزارەتا وان دێ ل گەل کۆمپانیا کۆنسول ترانس یا ئسپانی کۆم بیت و دانوستاندنان ل سەر چەوانیا بجهئینانا پرۆژەیێ هێلا ئاسنی ل هەرێما کوردستانێ کەت.

هێلا ئاسنی یا هەرێما کوردستانێ ژ زاخۆ دەستپێ دکەت و ل خانەقین ب دوماهی دهێت و چەندین لق ژی ژێ دچن و ل گۆرەی ئەو ژمارەیێن ل دەستپێکا پلانا پرۆژەی هاتینە راگەهاندن، ل قووناغا ئێکێ کو ژ زاخۆ دەستپێ دکەت تا هەولێرێ و چەمچەمال و پاش بۆ سلێمانیێ و پێنجوین و پاشی بۆ کەلار و خانەقین کو درێژیا هێلا ئاسنی 620 کیلۆمەترن. ل قووناغا دویێ ژ هەولێرێ بۆ کویێ و رانیا و قەلادزێ یە و ژ دهۆکێ بۆ سەرسنکێ و ئامێدیێ یە. قووناغا سێیێ ژی ژ هەولێرێ بۆ حاجی ئۆمەرانە.

تُتاح هذه الصورة أيضا في: کوردی