سەرۆک نێچیرڤان بارزانی: کیمیابارانکرنا هەلەبجە مۆرەکا شەرمزاریێ یە ب ناڤچاڤێن تاوانکاران ڤە
گاڤ
سەرۆکێ هەرێما کوردستانێ پەیامەک د یادا 35 سالیا کیمیابارانکرنا هەلەبجە دا بەلاڤ کر و تێدا راگەهاند کو رژێما بەرێ یا ئیراقێ نەشیان ئیرادەیا گەلێ کوردستانێ بشکێنن.
نێچیرڤان بارزانی، سەرۆکێ هەرێما کوردستانێ د پەیاما خۆ دا نڤیسیە “کیمیابارانکرنا هەلەبجە مۆرەکا شەرمزاریێ یە ب ناڤچاڤێن تاوانکاران ڤە، ل جیهانێ ژی ناسنامەیا زۆلملێکرنا گەلێ کوردستانێ یە، د چەند خۆلەکان دا ژیانا پێنج هزار مرۆڤێن بێگونەهـ ژێ وەرگرت، ب هزاران کەسێن دی ژی دەربەدەر کرن، لێ نەشیان ئیرادەیا گەلێ کوردستانێ بۆ ئازادیێ بشکێنن”.
هەروەسا نڤیسیە ژی”د ڤێ یادێ دا سوپاسیا حکومەتا فیدرال و هەموو ئالیێن پەیوەندیدار یێن ئیراق و هەرێما کوردستانێ دکەین بۆ تمامکرنا رێکارێن ب پارێزگەهکرنا هەلەبجە، دوپات دکەین کو هەلەبجە و خەلکێ وێ دەڤەرێ ژ هەموو رویان ڤە پێدڤی ب خزمەتگۆزاریێن پترن و پێدڤیە پشتگوهـ نەهاڤێن”.
سەرۆکێ هەرێمێ د ڤێ یادێ دا داخوازا ئێکرێزی و تەبایێ ژ هەموو ئالیێن سیاسی کر بۆ پاراستنا دەستکەفتان.
تُتاح هذه الصورة أيضا في: کوردی