وەزارەتا دەرڤە یا ئەمریکا هێرشا ئیرانێ بۆ سەر هەولێرێ شەرمزار کر
باسنيوز:
وەزارەتا دەرڤە یا ئەمریکا هەلویستێ خۆ بەرامبەر هێرشا مووشەکی یا لەشکەرێ پاسدارێن ئیرانێ بۆ سەر هەولێرێ راگەهاند و پشتەڤانی بۆ بزاڤێن هەردوو حکوومەتێن هەرێما کوردستانێ و حکوومەتا فیدرالی دووپات کر.
ئەڤرۆ سێشەمبی 16/1/2024، ماتیۆ میلەر، پەیڤدارێ وەزارەتا دەرڤە یا ئەمریکا راگەهاند، ب توندی هێرشێن ئیرانێ بۆ سەر هەولێرێ شەرمزار دکەین و سەرساخیێ ژ کەسوکارێن قوربانییان دکەین.
ماتیۆ میلەر ئاماژە ب وێ کر، ئەم دژی هێرشێن مووشەکی یێن بێبنەمایێن ئیرانێینە، کۆ دبنە ئەگەرێ نەسەقامگیریکرنا عێراقێ و پشتەڤانیێ بۆ بزاڤێن هەردوو حکوومەتێن هەرێما کوردستانێ و حکوومەتا فیدرالی دووپات کر.
تُتاح هذه الصورة أيضا في: کوردی