ناڤهندا نووچهیان – سهما
مالا ئێزديان ئۆلدنبۆرك ل وهلاتێ ئهلمانيا دێ پێشانگهههكا جينۆسايدا ئێزديان ڤهكهت.
ل رۆژا 27ى كانوونا ئێكێ 2024ێ، مالا ئێزديان ئۆلدنبۆرك دێ پێشانگهههكێ ل دۆر جينۆسايدا ئێزديان بۆ رۆژنامهڤان “دهرمان باعهدرى” ڤهكهت و تێدا ئێش و ئازارێن ئێزديان ئێنه پيشاندان.
مالا ئێزديان دايه دياركرن، پێشانگههـ چيرۆكێن تراژيدى يێن جينۆسايدێ بخۆڤه دگرت، مهرهم ژێ ئهوه خهلكێ ئهلمانيا بزانن چ ب سهرێ ئێزديان دا هاتيه.
ل 3ى تهباخا 2014ێ، رێكخراوا داعش يا تيرۆرستى هێرشى قهزا شنگالێ كر كو پتريا خهلكێ وێ ئێزدى نه و راستى كوشتن و چهوساندنێ هاتن ل سهر دهستێ تيرۆرستان ژ دهمێ دهست بسهر دهڤهرێ دا گرتى ل سالا 2014تا 2017.
تيرۆرستێن داعش كريارێن هۆڤانه و دوورێ بههايێن مرۆڤايهتيێ دهرههقێ ئێزديان ئهنجامدان و ب سهدان زهلام و زارۆك كوشتن و ب ههزاران كچ و ژن رهڤاندن.
ژ ئهنجامێ هێرشێ پترى 300ههزار خهلكێ شنگالێ دهربهدهربوون و پتريا وان ئاوارهيى دهڤهرێن ههرێما كوردستانێ بوون.
تُتاح هذه الصورة أيضا في: کوردی