ئێكەتیا ئەوروپا بەرسڤا داخوازیەكا بارزانی ددەت
k24_هەولێر:
ل بەرسڤا پەیاما مەسعود بارزانی،سەرۆكێ هەرێما كوردستانێ، ئێكەتیا ئەوروپا بریاردا، هەولا هاریكاریكرنا دارایی یا حكوومەتا هەرێما كوردستانێ بدەت.
پرسا هاریكاریا هەرێما كوردستانێ بۆ ئێكەم جارە ل كۆمبوونا فەرمی یا وەزیرێن دەرڤە یا ئێكەتیا ئەوروپا دا دئێتە بەحسكرن.
دلاوەر خالد ئاژگەیی،نوونەرێ حكوومەتا هەرێما كوردستانێ ل ئێكەتیا ئەوروپا تایبەت ب مالپەرێ كوردستان 24راگەهاند:”بریارا هاریكاریكرنێ پشتی ئاراستەكرنا پەیامەكا مەسعود بارزانی،سەرۆكێ هەرێما كوردستانێ بوو، كو ل هەیڤا شوباتێ یا ئەڤە سالە، بۆ هەرئێك ژ سەرۆكێ ئێكەتیا ئەوروپا و سەرۆكێ كۆمیسیۆنا ئەوروپا رەوانەكر بوو.
دلاوەر ئاژگەیی راگەهاند ژی ل پەیامان دا بارزانی،رەوشا دارایی یا هەرێمێ، هاتنا رێژەیەكا زۆرا پەنابەران،شەرێ داعش و برینا بوودجێ هەرێما كوردستانێ ژلایێ بەغدا، رۆن كر.
هەروسا راگەهاند،ل بریارا ئێكەتیا ئەوروپا،هەرئێك ژ بەنكێ نێڤ دەولەتی(World bank)و سندوقا دراڤێ نێڤ دەولەتی (IMF)، و بەنكێ وەبەرهێنانێ یێ ئەوروپا (IIB) هاتینە راسپاردن،بۆ هندێ پرسا هاریكاریا دارایی یا هەرێما كوردستانێ بەحس بكن.
دلاوەر ئاژگەیی ئاماژە ب وێ چەندێ ژی كر،داخوازكرنا هاریكارییان ژ ئێكەتیا ئەوروپا، ژ چارچۆڤەیێ هەڤبەشێ حكوومەتا هەرێما كوردستانێ یە ل شەرێ دژێ داعشێ.
تُتاح هذه الصورة أيضا في: کوردی