کچەکا چینی هەیامێ شەش ساڵانە ب دارەکێ ڤە دهێتە گرێدان
ئێن ئارتى
کچەکا چینی ل گوندەکێ باژێرێ لویانگ یێ وەلاتێ چینێ نێزیکی شەش ساڵانە ب دارەکێ ڤە دهێتە گرێدان و کەسوکارێن وێ ژی دبێژن نەخۆشیا دەرونی هەیە.
مالپەرێ ساوس چاینا مۆرنینگ پۆست دوهی ٢١ێ ئێلولا ٢٠١٦ێ بەلاڤکریە، ناڤێ وێ کچێ ژاو زییە و ژیێ وێ هەشت ساڵن، ل گوندەکێ باژێرێ لویانگێ سەر ب پارێزگەها هینان دژی.
ئەوی مالپەری ئاماژە ب وێ ئێکێ کریە، لگۆری گۆتنا کەسوکارێن وێ ژاو ژ ساڵا ٢٠١٠ێ وەرە ل هەمبەر مالا خوە ب دارەکێ ڤە دهێتە گرێدان و پشتی کو ژبۆی وان دیاربوویە کو نەخۆشیا دەرونی دگەلدایە و هێرش دکەتە سەر کەسێن دی تر.
هەڤدەم ئەو چەند ژی گۆتنە کو جاروبارا ژبۆ دەمەکێ کێم ئەو بەندک ئان کو ئەو کندر دهێتە ژێڤە کرن داکو بشێت ل نێزیک مالا خوە هاتنوچوونێ بکەت.
باپیرێ وێ کچێ راگەهاندیە “ژاو هێرش دکەتە سەر زارۆک و کەسێن ب تەمەن، ئەڤە جهێ مەترسیێ یە لەوما ئەم نەچارین گرێدەین”.
ژاو ژلایێ باپیر و داپیرا وێ ڤە دهێتە خودان کرن و تنێ دوو برا هەنە کو ئەو د ساخلەمن، هەروەسا بابێ وێ کو خودان پێدڤیێ تایبەتە “معوق”ـە ل کارگەهەکێ ئیش دکەت و دایکا وێ ژی کو هەر خودان پێدڤیا تایبەتە ل جهەکێ دی تر دژیت.
لگۆری گۆتنا کەسوکارێن وێ، شیانا مادی نینە داکو وێ کچێ ببەنە نەخۆشخانەیێ ب ئارمانجا چارەسەریێ، بەرپرسێن دەڤەرێ ژی ئاماژە ب وێ ئێکێ کرنە، ئەوا د شیانا وان دابوویە تنێ دابینکرنا گوژمەکێ پارەی بوویە ژبۆ وێ کچێ.
تُتاح هذه الصورة أيضا في: کوردی