ناسا بۆ جارا یەکەمین رۆبۆتەکێ دشینە سەر ڕۆژێ

ناسا بۆ جارا یەکەمین رۆبۆتەکێ دشینە سەر ڕۆژێ

ئێن ئارتى

ئاژانسا فەلەکناسیا ئەمریکا یا ناسکرى ب (ناسا) راگهاند، سالا ٢٠١٨ێ رۆبۆتەکێ دشینن سەر ڕۆژێ کو سیفەتێن Parker Solar Probe هەنە و دکارە ب پلەیەکا بلند خوە لبەر گەرمێ بگرە.

ناسا د کۆنگریەکا ڕۆژنامەڤانیدە ل شیکاگۆ یا ئەمریکا راگهاند، “ئەو موشەکا کو ب ژڤانن بۆ سەر رۆژێ بشینن ژ هەموو موشەکێن بەرێ زێدەتر خوە لبەر گەرمێ دگرە و ژ بەرگێ ئەتۆمیێ بهێزتر ژ یێن بەرێ هاتیە دورستکرن”.

لگۆرى زانیاریان وسا بریارە رۆبۆتا رۆژێ ئا پارکەر د هاڤێنا سالا ٢٠١٨ێ دە وەرە شاندن و هەیا شەش ملیۆن کیلۆمەتران ژ ڕۆژێ نێز ببە.

ڤەکۆلەرێن ناسایێ هیڤیدارن کو رۆبۆتا پارکەر بکاربە هەیا سالا ٢٠٢٥ێ زانیاریان لسەر ڕۆژێ و ئاوایێ گەرەستێرکان کۆم بکە، دبە کو وان زانیاریان باندۆریا خوە لسەر زانینا رەوشا سەقا و گوهەرتنان هەبە د پاشەرۆژێ دە.

ئەڤ جارا یەکەمینە کو ناسا ناڤێ زانایەکێ زیندى ل سەر رۆبۆتەکێ داتینە ئان کو رۆبۆتەکێ ب ناڤێ زانایەکى زیندى دکە، کو ئەو ژى یوجین پارکەر زانایێ فیزیاییە د بوارێ گەرەستێرکان دە.

ژیێ پارکەر د نهادە ٨٩ سالن و هەیا نها ژى ل زانکۆیا شیکاگۆ یا ئەمریکا وانەیان ددە.

پ.م

تُتاح هذه الصورة أيضا في: کوردی